राजसमझ चौधरीसे थारु कोटामे प्रदेश सदस्यमे उम्मेदवारी घोषणा

नेपाली काँग्रेस १४औं महाधिवेशन
पहुरा समाचारदाता
धनगढी, १६ अगहन । नेपाली काँग्रेसके यिहे १६ गतेसे हुइटी रहल प्रदेश अधिवेशनमे राजसमझ चौधरी थारु कोटासे प्रदेश सदस्य पदके लग उम्मेदवारी घोषणा करले बटै ।

विफेक रोज धनगढीमे पत्रकार सम्मेलनके आयोजना करके उहाँ थारु कोटासे प्रदेश सदस्य पदके लग उम्मेदवारी घोषणा करल रहिट । उहाँ नेपाल विद्यार्थी संघसे कैलाली बहुमुखी क्याम्पसमे उपसभापति, त्रिनगर माविमा नेपाल विद्यार्थी संघके एकाई अध्यक्ष हुसेकल बटै । नेपाली काँग्रेसके केन्द्रीय तथा सुदूरपश्चिमके नेताहुकनके सल्लाह अनुसार प्रदेश सदस्य पदके लग उम्मेदवारी घोषणा करल उहाँ बटैलै ।

उहाँ कहलै, मै राजनितिक पीडित परिवारके व्यक्ति हुँ, मोर डाडु स्व. रामसमझ चौधरी नेपाली काँग्रेसमे ढेर योगदान डेहल मने वडा अध्यक्षकेफे टिकट नइपाइल, सशस्त्र द्वन्दकालमे माओवादीसे कार्वाही करुवा पाइल । डाडु नइरहलपाछे मै उहाँक कहल अनुसार स्थानीय चुनावमे लरल अब्बे प्रदेश सदस्य पदके लग उम्मेदवारी घोषणा करटुँ ।

अपनेहुक्रे राजनितिक पीडित हुइलक ओरसेफे अपनहे मतदान कैना उहाँ आग्रह करलै ।