मेटलाइफसे लघुबीमा दावी व्यवस्थापन प्रणालीके शुरुवात
पहुरा समाचारदाता
काठमाडौं, १६ अगहन । मेटलाइफ नेपालसे लघुबीमा दावीके लाग नयाँ दावी व्यवस्थापन प्रणालीके शुरुवात करले बा । यी प्रणालीसे ग्राहकहुकनहे हाली भुक्तानी कैना म्यानुअल दाबी प्रक्रियाहे प्रतिस्थापन कैना जनागिल बा । नयाँ प्रणालीमे दावी आवश्यकता ओ डिस्चार्ज भौचरके लाग स्वचालित इमेलके व्यवस्थाके साथ साथै दावी पेश कैना ओ भुक्तानीके समयहे घटाइक लाग स्वचालित दाबी मूल्याङकन जैसिन सुविधा समावेश करल बटै ।
मेटलाइफ नेपालके उपाध्यक्ष तथा महाप्रबन्धक निर्मलकाजी श्रेष्ठके अनुसार मेटलाइफ अपन ग्राहकहुकनके थप आत्मविश्वासी भविष्य निर्माणमे मद्दत कैना प्रतिबद्ध बा । उहाँ दु्रतदाबी समाधान लघुबीमा ग्राहकहुकनके प्राथमिकता रहल ओ यकरलाग उत्कृष्ट ग्राहक अनुभव प्रदान कैना मेटलाइफके नयाँ दाबी व्यवस्थापन प्रणाली कोशेढुङ्गा सावित हुइना बटैलै ।
लघुबीमा मार्फत सेवाविहीन समुदायहे वित्तीय सुरक्षा प्रदान कैना मेटलाइफ सन् २००९ मे लघवित्त संस्थासंग साझेदारी कैना नेपालके पहिल बीमा कम्पनी हो । कम्पनीके ग्रामीण कर्जा बीमासे देशके ७७ जिल्ला भरिक लघुवित्त संस्था तथा सहकारीके ऋणीहुकनहे बीमा सुरक्षा प्रदान करटी आइल बा । ऋणीहुकनके कर्जा चुक्ता क्षमाताहे प्रभाव पारे सेक्न अप्रत्याशित घटनासे जोगइक लाग बीमासे ऋणीहुकनके बाँकी रहल कर्जा चुक्ता करके ओइनके परिवारहे थप आर्थिक सहयोग प्रदान कैना महाप्रबन्धक श्रेष्ठ बटैलै ।
सन् २००९ से पहिले लघुवित्त संस्थाके ऋणीहुकनके बीमा सुरक्षामे पहुँचके लाग कौनो औपचारिक माध्यम नइरहे । मेटलाइफसे स्वरोजगार ओ गरिबी निवारणमे सहयोग कैना उद्देश्यके साथ लघुवित्त उद्योगके विज्ञहुकनसंग परामर्श करके नेपालमे लघुविमा योजना शुरु करल रहे ।
तत्पश्चात मेटलाइफसे यकर नियमित समिक्षा करके प्रक्रियाहे सरल बनैटी, योजनाके विकास ओ परिमार्जन करटी यिहीहे आउर ढेर ग्राहक केन्द्रित बनैटी आइल बा । मेटलाइफसे हाल चौबिस लघुवित्त संस्थासंग साझेदार करके आठ लाख ऋणीहुकनके बीमा करले बा । हालसम कम्पनीसे करिब चौबिस हजार दावी वापत एक अर्ब तीस करोड रुपियाँ भूक्तान करसेकल बा ।
मेटलाइफ नेपालके सहायक उपाध्यक्ष तथा प्रमुख वितरण अधिकृत अरुण बहादुर बस्नेतके अनुसार यी प्रणालीके शुरुवातसे दावीहुकनके प्रशोधन समय उल्लेखिय रुपमे घटैना मद्दत करी । यी दावी सारांश तयारी, डिस्चार्ज भाउचर तयारी ओ स्वीकृतिके लाग हातसे तथ्याँक भर्न ओ प्रशोधन कैना आवश्यक नइपर्ना उहाँ बटैलै । उहाँ कहलै, यी लघु ग्राहकहुकनहे ओइनके कठिन समयमे राहतडेहक लाग हाली भुक्तानी प्रेषण कैना सक्षम कराईठ । साथैे अपन लघु ग्राहकहुकनहे समयमे सेवाप्रदान कैना प्रणालीहे सुधार करटी डिजिटल सेवामे लैजान निरन्तर काम करठ ।
मेटलाइफके सहायक कम्पनीके रुपमे संयुक्त राज्य अमेरिकामे दर्ता हुइल अमेरिकन लाइफ ईन्स्योरेन्सके शाखाके रुपमे मेटलाइफ सन् २००१ से नेपालमे सञ्चालनमे आइल बा । नेपालमे मेटलाइफसे उपभोक्ता तथा व्यवसायहुकनहे जीवन बीमा, दूर्घटना तथा स्वास्थय बीमा, ओ कर्मचारी लाभ (समूह बीमा) जैसिन सुविधा प्रदान करटी रहल बा ।
