गोसियक रिसमे सौटिनियक् छावक हत्या

पहुरा समाचारदाता
धनगढी,१७ अगहन । सौटिनीयक छावाहे विष खवाके हत्या कैके फरार एक महिला पक्राउ परल बटी । पक्राउ परलमे जिल्ला बाजुरा खप्तड छेडेदह गा.पा.२ घर रहल अब्बे जिल्ला कैलाली धनगढी उप–महानगरपालिका वडा नम्बर २ मालिका टोल स्थित रोहिणी प्रसाद जोशीके घरमे डेरा करके बैठना बर्ष ३५ के मागी रोकाया रहल बटी ।

मागी रोकाया अपन सौटिनीया निर्मला थापामगरके छावा धनगढी उपमहानगरपालिका वडा नं. २ स्थित हिमालय एकेडमीमे कक्षा ३ मे पढ्न बर्ष १० के निशान्त थापामगरके दुधसंगे मुसक डवाई खवाके हत्या करल जिल्ला प्रहरी कार्यालय कैलालीके प्रमुख विश्व अधिकारी जनैलै ।

भारतके रोजगारीके लाग बैठटी आइल हुकान गोसिया बर्ष ३५ के बहादुर रोकाया अगहन २ गते भारतसे आफन्तहे फोन करके मागी रोकाया सम्पर्क विहीन हुइलपाछे खोजतलास करेबेर निशान्त मृत अवस्थामे भेटल उहाँ जनैलै । सूचना पाइलपाछे ओइनके डेरामे जाके हेरेबेर कोठाके आघेक मुल ढोका बन्द रहल, पाछेक ढोका खुल्ला रहल, कोठाभिटर पङखा चालु अवस्थामे रहल, आघेक झ्यालसे कोठाभिटर बालकके गोर केल डेखल औेर मनै कोई नइरहल प्रमुख बटैलै ।

तत्काल घटनास्थलमे प्रहरी टोली परिचालन करके उ डेरा कोठा भिटर हेरबेर मागी रोकायासंगे बैठटी आइल हुकान सौटिनीया निर्मला थापामगरके छावा धनगढी उपमहानगरपालिका वडा नं. २ स्थित हिमालय एकेडमीमे कक्षा ३ मे पढ्ने बर्ष १० के निशान्त थापामगर मृत अवस्थामे फेला पारके मृतक लाशके घटनास्थल लाशजाँच समेत करके प्रारम्भिक अनुसन्धान कार्य शुरु करल रहे ।

तत्काल थप अनुसन्धानके लाग जिल्ला प्रहरी कार्यालय कैलालीसे विशेष अनुसन्धान टोली परिचालन करके भागके फरार रहल निज मागी रोकायाके खोज तलास तथा अनुसन्धान जारी राखल रहे ।

अनुसन्धानके क्रममे मागी रोकाया भारतके हरियाणामे रहल जानकारी प्राप्त हुइलपाछे अगहन १४ गते प्रहरी निरीक्षकके कमाण्डमे प्रहरी टोली ओहोर खटाके भारतीय प्रहरीके सहयोग ओ समन्वयमे मागी रोकायाहे अगहन १६ गते भारतके हरियाणा रोहतक प्रेम चोकमे फेला पारके नेपाल नानके पक्राउ करल प्रहरी प्रमुख अधिकारी जनैलै । प्रारम्भिक अनुसन्धानके क्रममे मागी रोकायाके गोसिया बहादुर रोकाया रोजगारीके सिलसिलामे भारतमे रहल ओ मागी करीब ३ बर्ष आघेसे निशान्त थापामगरके डाई निर्मला थापामगरसंग भारतमे भोज करके संगे बैठटी आइल रहिट ।

करिब ३ बर्ष आघे मागी रोकाया समेत हाल १४ बर्षके छाई ओ ८ बर्षके छावाहे पढैना घनगढीमे बसोबास करटी आइल, बहादुर रोकायासे निर्मलाहे भोज करसेकलपाछे छावा निशान्तहे पढैना घनगढीस्थित हिमालय एकेडमीमे बोर्डस धारलमे रख्ले रहिट ।

मागी रोकाया ओ हुकान गोसिया बीच बादबिवाद गालीगलौज, झैझगडा हुइटी रहना ओरसे गोसियक रिससे उहाँ सोटिनीया छावक विष खवाके हत्या करल रहिट । कार्तिक २९ गते निशान्त थापामगर स्कूलसे लौटलपाछे पत्ता नइपैना करके दुधमे मुसा मुवैना औषधी मिलाके खवाके कोठामे रहल रहिस हम्रे साँझके अइबी कहिके मागी अपन छावा ओ छाईहे लेके भारतओर गैल रहिट । मागी रोकाया विरुद्ध कर्तव्य ज्यान मुद्दामे कैलाली जिल्ला अदालतसे म्याद थप करके थप अनुसन्धान कार्य जारी रहल जनाइल बा ।