युवा संजाल जोशीपुरसे रक्तदान कार्यक्रम

पहुरा समाचारदाता
धनगढी, १८ अगहन । युवा संजाल जोशीपुरके आयोजनामे शुकके रोज जोशीपुरमे रक्तदान कार्यक्रम कैगिल बा । रक्तदान कार्यक्रम २० पिन्ट रगत संकलन हइल बा ।

युवा संजालके अध्यक्ष विष्णु चौधरीके अध्यक्षतामे हुइल कार्यक्रममे वडका पहुना जोशीपुर गाउँपालिकाके उपाध्यक्ष गीता कठरिया, विशिष्ट पहुनामे वडा–१ के अध्यक्ष विधिराम चौधरी, वडा–३ के अध्यक्ष किशोर कुमार कठरिया, ओ वडा–५ के अध्यक्ष देशराम चौधरी, पहुनामे बजार व्यवस्थापन समिति विश्वनाथ चौधरी, जोशीपुर इलाका प्रहरी कार्यालयके प्रहरी प्रमुख नरेशकुमार ढकाल, थारु संघ केन्द्रीय महासचिव राजाराम चौधरीलगायतके रहिट । युवा संजाल गठन हुइलपाछे पहिल चो सामाजिक कार्यक्रम करल हो ।