कांग्रेस सुदूरपश्चिममे ५० जाने सदस्य चयन

पहुरा समाचारदाता
धनगढी, २० अगहन । नेपाली कांग्रेस सुदूरपश्चिम प्रदेश समितिमे ५० जाने सदस्य चयन हुइल बाटै । ४५ जाने प्रदेश सदस्य निर्वाचन प्रक्रियासे ओ पाँच जाने सदस्य सर्वसम्मतसे चयन करल हो ।

निर्वाचित हुउइया सदस्यमे भूगोल जिल्ला महिला ओरसे विजयी हुउइयामे अनुराधाकुमारी स्वाँर (अछाम) कलावतीदेवी बोहरा (कञ्चनपुर), प्रेमा श्रेष्ठ (डोटी), कमला धामी सामन्त (दार्चुला), सुनिता थापा (बझाङ), राधिकादेवी सिंह (बाजुरा), ओ कमला चन्द (बैतडी) रहल बाटै ।

ओस्टके, भूगोल जिल्ला (खुला) ओर तुलाराम साउँद (अछाम), गौरीसिंह बोहरा (कञ्चनपुर), नवराज पाण्डेय (कैलाली), तेजबहादुर लुहार (डोटी), राजेन्द्रसिंह विष्ट (दार्चुला ), राजेन्द्रबहादुर खड्का (बझाङ), धनराज पण्डित (बाजरा) ओ तेजबहादुर चन्द (बैतडी) रहल बाटै ।

प्रदेश निर्वाचन क्षेत्र खुलाओरसे उत्तमबहादुर कठायत, टेकराज जोशी, गणेश विष्ट, पुष्करबहादुर सिंह, ज्ञानेन्द्रबहादुर सिंह, पदमबहादुर शाही, धनबहादुर शाही (धीरेन्द्र) ओ टेकराज जोशी प्रदेश सदस्यमे विजयी हुइल बाटै । खसआर्य खुलाओर सुरत रावत (डोटेली कान्छा), रामबहादुर देउवा, काशीराम देवकोटा, भक्तबहादुर ठकुल्ला, कृष्णप्रसाद पाठक, करवीर कार्की प्रदेश सचा सदस्यमे विजयी हुइल बाटै ।

आदिवासी जनजाति ओरसे दाउद तामाङ, अल्पसङ्ख्यक वा अपाङ्ताओरसे उपेन्द्रबहादुर खडायत निर्वाचित हुइल बाटै । खसआर्य महिलाओर कान्ता चन्द शाही, दीपादेवी ऐर, केशरी विष्ट, सम्झना खत्री, नीलम लेखक जोशी ओ टीकेश्वरी हमाल विष्ट प्रदेश सदस्यमे निर्वाचित हुइल बाटै । ओस्टके, मधेसीओरसे वेदप्रसाद चौधरी, दलित खुलाओरसे चन्द्र टमटा, राजेशकुमार टमटा, दलित महिलाओर रुपा आउजी प्रदेश सदस्यमे विजयी हुइल बाटै ।

ओस्टके, थारु खुलाओर झेली राना थारु, राजसमझ चौधरी, थारु महिलाओर भुलिया राना, मुस्लिमओर डा. मेराज आलम अन्सारी प्रदेश सदस्यमे विजयी हुइल निर्वाचन समिति जानकारी डेले बा । धनगढीमे सम्पन्न उ पार्टीके अधिवेशनसे पाँच जनहनहे प्रदेश सदस्यमे निर्विरोध चयन करले बा । निर्विरोध चयन हुउइयामे भूगोल जिल्लाओर खुलासे डडेल्धुराके तिलकराज जोशी, भूगोल जिल्ला महिलाओर डडेल्धुराके निर्मला बोगटी विष्ट, कैलालीके पुष्पा भट्ट रहल बाटै ।

ओस्टके, प्रदेश निर्वाचन क्षेत्रओरसे चमेली तामाङ ओ लक्ष्मी भण्डारी निर्विरोध चयन हुइल बाटै । ५८ सदस्यीय नेपाली कांग्रेस सुदूरपश्चिम प्रदेश समितिमे आठ जाने पदाधिकारी रहल बाटै । नेपाली कांग्रेसके प्रदेश सभापतिमे वीरबहादुर बलायरसहित ओहकान पुरै टिम विजयी हुइल रहे । उपसभापतिमे जनकराज चौधरी, लोकराज अवस्थी, महामन्त्रीमे नरनरायाण शाह मनु ओ मेघराज खड्का विजयी हुइल बाटै ।

ओस्टके, सहमहामन्त्रीमे गोपालदत्त भट्ट, चिन्तामणि भट्ट, महिलाओरके सहमहामन्त्रीमे अम्बिकाकुमारी चलाउने विजयी हुइल बाटै ।