घोडताल समुदायिक वनके १० औं वार्षिक साधारणसभा

पहुरा समाचारदाता
पहलमानपुर, २० अगहन । घोडताल समुदायिक वन उपभोक्ता समुह भजनी नगरपालिका–९, हिम्मतपुरके १०औं वार्षिक साधारणसभा तथा सार्वजनिक सुनुवाई कार्यक्रम सोम्मारके रोज हुइल बा ।

पचमुडिया सवडिभिजन वन कार्यालयके फलिस्टर भीष्मराज ओझाके वडका पहुनामे हुइल कार्यक्रममे खास पहुना भजनी नगरपालिका–९ के सदस्य नविन चौधरी, संचारकर्मी जीवन चौधरी, ओम शान्ती समुदायिक वन उपभोक्ता समुहके अध्यक्ष राजकुमार चौधरी, सयपत्री सामुदायिक वन उपभोक्ता समुहके कार्यालय सचिव पदम चौधरी लगायत मन्तव्य व्यक्त करले रहिट ।

कार्यक्रममे घोडताल समुदायिक वन उपभोक्ता समुहके खगीसरा पुनमगर १७ लाख ८५ हजार ७२ रुप्या बराबरके आय व्यय प्रस्तुत करले रहिट । घोडताल समुदायिक वन उपभोक्ता समुहके अध्यक्ष रामप्रसाद चौधरीके अध्यक्षतामे हुइल कार्यक्रमके संचालन टोल सचिव विरबहादुर थापा ओ स्वागत हिम्मतपुर यूवा क्लवके अध्यक्ष पहलसिंह पुन मगर करले रहिट ।