ग्रामीण महिला समुहसे लैङिक हिंसा न्यूनिकरण सम्बन्धी छलफल

पहुरा समाचारदाता
धनगढी, २० अगहन । ग्रामीण महिला समुहसंग लैंगिक हिंसा ओ ओइनके भोगाईबारे अन्तरक्रिया तथा छलफल कैगिल बा ।

महिला कानुन र विकास मञ्च ओ दलित महिला अधिकारी मञ्च कैलालीके संयुक्त आयोजनामे सोम्माररोज भर्चुअल माध्यमसे छलफल कैगिल हो । युएन वुमनके आर्थिक सहयोगमे महिलाहरुको न्यायमा पहुँच कार्यक्रम अन्र्तगत अन्तक्रिया तथा छलफल कार्यक्रम हुइल हो । सुदूरपश्चिमके टमान जिल्लामे रहल १० समुहके सहभागितामे हुइल कार्यक्रममे हिंसामे परल महिलाहुकनके समस्याबारे छलफल तथा भोगाई सहभागीहुक्रे सुनाइल रहिट ।

कार्यक्रममे कैलाली जिल्ला गोदावरीके कौशिला नेपाली सीमित स्रोत साधनके बीच फे अपनेहुक्रे कार्यक्रम करटी रहल बटैली । उहाँ कहली, ग्रामीण क्षेत्रमे काम कैना बहुट चुनौती बा । सेवा सुविधा नइपैलेसेफे लैङिक हिंसामे परल महिलाहुकनके लाग काम करटी आइल बटी ।
कार्यक्रममे महिला कानुन र विकास मञ्चके कार्यक्रम संयोजक सागर पाठक सहजीकरण करले रहिट ।

ओस्टेक दलित महिला अधिकारी मञ्च कैलालीके अध्यक्ष सावित्रा घिमिरे महिलाहुकनके न्यायमे पहँुच पुगाइक लाग महिलाहुक्रे सक्षम बन्न आवश्यक रहल बटैली । उहाँ लैङिक हिंसाके सम्बोधनके लाग बालविवाह, बहुविवाह, दाइजो प्रथा, यौनजन्य दुव्र्यवहार, बोक्सी आरोप सम्बन्धी कसुरमे हुइना सजय, सार्वजानिक स्थलमे हइना यौनजन्य दुव्र्यहार, मानवबेचविखन, जबरजस्ती करणपाछे हुइना सजयके व्यवस्थाबारे जानकारी करैटी जनैली ।

कार्यक्रममे कैलालीके टमान सञ्चार माध्याममे कार्यरत सञ्चारकर्मीहुकनके समेत सहभागिता रहल रहे । कार्यक्रममे पत्रकार महासंघ कैलालीके सचिव प्रेम चौधरी महिलाहुकनके न्यायके पहुँचमे नानेक सञ्चार माध्यमकेफे अहम भूमिका हुइना ओरसे अपनेहुक्रे सहकार्य कैना जबफे तत्पर रहल बटैलै ।