कर्तव्य ज्यान मुद्दाके फरार एक जाने १२ बर्ष पाछे पक्राउ

पहुरा समाचारदाता
धनगढी, २१ अगहन । कर्तव्य ज्यान मुद्दाके फरार एक जाने १२ बर्ष पाछे पक्राउ परल बटै । पक्राउ परलमे जिल्ला बझाङ साविक सुबेडा गा.वि.स. वडा न. ०८ घर रहल हाल जिल्ला कैलाली धनगढी उप–नगरपालिका वडा न. ८ मोतिचौक बैठना प्रकाश रानाहे रहल बटै ।

जिल्ला प्रहरी कार्यालय कैलालीसे खटल प्रहरी टोली अगहन २० गते नुकछिपके बैठल अवस्थामे घरहीसे पक्राउ करल जिल्ला प्रहरी कार्यालय कैलालीके प्रवक्ता वेद प्रकाश जोशी बटैलै ।

कर्तव्य ज्यान मुद्दाके फरार प्रतिवादीहे बझाङ जिल्ला अदालतके २०६६ चैत २२ गते फैसलासे २० बर्ष कैद सजाय तोकल रहे । पक्राउपाछे रानाहे अडडासार करके जिल्ला प्रहरी कार्यालय बझाङ पठाइल बा ।