सामाजिक विकास मन्त्रालयके वित्तीय प्रगति ९.६५ प्रतिशत

पहुरा समाचारदाता
धनगढी, २१ अगहन । सामाजिक विकास मन्त्रालयके आर्थिक २०७८÷०७९ के कार्तिक मसान्तसम वित्तीय प्रगति कुल बजेटके ९.६५ प्रतिशत हुइल जनागिल बा ।

सोम्मारके रोज धनगढीमे पत्रकार सम्मेलनके आयोजनाके सुदूरपश्चिम प्रदेश सरकारके सामाजिक विकास मन्त्री लालबहादुर खडका आर्थिक २०७८÷०७९ के कार्तिक मसान्तसम वित्तीय प्रगति कुल बजेटके ९.६५ प्रतिशत हुइल जनैलै । प्रदेश सरकारके चालु ओर विनियोजन करल २ अर्व ६२ करोड ५४ लाख ३४ हजार मन्से ४१ करोड ९५ लाख १३ हजार (१५.९८ प्रतिशत) खर्च हुइल ओ २ अर्व २० करोड ५९ लाख २१ हजार बाँकी रहल जनागिल बा ।

पुँजीगत खर्च जम्मा बजेट १ अर्व ८८ करोड ६० लाख ७० हजार मन्से ७ करोड ४८ लाख ५७ हजार (३.९६ प्रतिशत) खर्च हुइल ओ १ अर्व ८१ करोड १३ लाख १३ हजार अभिन खर्च कैना बाँकी रहल बा । प्रदेश सरकारके चालु ओ पुँजीगतके जम्मा बजेट ४ अर्व ५१ करोड १५ लाख ४ हजार रहलमे ४९ करोड ४२ लाख ७० हजार खर्च हुइलमे ४ अर्व १ करोड ७२ लाख ३४ हजार बाँकी रहलमे १०.९६ प्रतिशत बजेट हुइल बा ।
ओस्टेक संघीय सशर्त चालु ओ पुँजीगत बजेट १ अर्व ४६ करोड ८९ लाख २ हजार रहलमे ८ करोड २९ लाख ३० हजार (५.६४ प्रतिशत) खर्च हुइल १ अर्व ३८ करोड ५९ लाख ७२ हजार बाँकी रहल मन्त्री खडका बटैलै ।

प्रदेश सरकार ओ संघीय सशर्त कुल बजेट ५ अर्व ९८ करोड ४ लाख ६ हजार रहलमे ५७ करोड ७२ लाख (९.६५ प्रतिशत) खर्च हुइलमे ५ अर्व ४० करोड ३२ लाख ६ हजार बाँकी रहल जनागिल बा ।

ओस्टेक चौमासिक चालु बजेट १ अर्व ४४ करोड ३३ लाख २७ हजार रहलमे ५० करोड १४ लाख ८ हजार (३४.७४ प्रतिशत) खर्च हुइल बा । ओस्टेक पुँजीगतओर बजेट ४२ करोड ७२ लाख ५१ हजार रहलमे ७,करोड ५७ लाख ७७ हजार (१७.७४ प्रतिशत खर्च हुइल बा ।
चालु ओ पुँजीगत करके १ अर्व ८७ करोड ५ लाख ७८ हजार कुल बजेट मन्से ५७ करोड ७१ लाख ८५ हजार (३०.८६ प्रतिशत) खर्च हुइल मन्त्रालय जनैले बा ।

ओस्टेक सामाजिक विकास मन्त्री खडका टिकापुर अस्पताल तथा महाकाली प्रादेशिक अस्पतालमे थप ५०÷५० बेडके कोभिड विशेष अस्पताल निर्माण ओ अक्सिजन पाइपलाइन जडान कार्य जारी जनैलै । सेती प्रादेशिक अस्पताल अन्तर्गत संचालित ५० बेडके कोरोना अस्पतालमे अक्सिजन पाईपलाईन जडान कार्य, सेती अस्पताल २५ ,महाकाली अस्पताल १५ बेड आइ.सी.यु बेड थप्न काम हुइल उहाँ जनैलै ।
प्रदेश अन्तर्गतके प्रत्येक अस्पतालमे आइसियू सेवा संचालन कैना उद्देश्यसे १÷१ जाने मे.अ. ओ नर्सिङ स्टाफहे पहिल चो २ महिनाके आइसियू भेन्टीलेटर सम्बन्धी तालिम डेहल बा ।

कोभिड १९ विरुद्धके खोप सेवा प्रदान करटी रहल अगहन १६ सम पूर्ण मात्राके खोप ७ लाख ५१ हजार ८ सय ११ (३९ प्रतिशत) पहिल मात्र ९ लाख ६ हजार १ सय ७४ (४७ प्रतिशत) डेहल मन्त्री खडका जनैलै ।
अक्सिजन प्लान्ट जडान, आवश्यक औषधि उपकरण खरिद प्रक्रियामे रहल, स्थानीय तहहे प्राविधिक सहजीकरण, बाढ प्रभावित क्षेत्रमे स्वास्थ्य शिविर संचालन, ए क्लास के एम्बुलेन्स खरिद सम्झौता हुइल उहाँ जनैलै ।

सीमानाकामे कोभिड जाँच ओ खोप सेवा अन्र्तगत सिमानाका थप व्यवस्थित कैना स्थानीयतह संगके सहकार्यमे थप सुधार ओ होल्डिंग सेन्टर निर्माणाधीन, सेतीमे अक्सिजन टंकी जडान, सेतीमे एआरआइ ÷सिटी क्यान मेशिन आपूर्ति प्रक्रिया मे रहल जनागिल बा । अस्पताल के स्तरोन्नति (जिल्ला अस्पताल ५० बेड ,टिकापुर ओ महाकाली २०० बेड ओ सेती ३०० बेड) ओ दरबन्दी पुनरावलोकन कैना प्रक्रिया शुरु करल बा ।

ओस्टेक शिक्षा क्षेत्र, युवा तथा खेलकुद क्षेत्रमे टमान कार्यक्रम करल उहाँ जनैलै । मन्त्री खडका टिसरा लहर व्यवस्थापन कैना आगामी योजनामे सीमा नाका ओ प्रवेश बिन्दु व्यवस्थापन, तोकल उमेर समुह सक्कुहुनहे खोप, क्वारेन्टाइन ओ आइसोलेसन व्यवस्था कैना जनैले बा । ओस्टेक परिक्षण ओ उपचार व्यवस्थापन, औजार, उपकरण, ओ औषधि व्यवस्थापन, जनशक्ति व्यवस्थापन तथा क्षमता अभिवृद्धि, सरोकारवालासंग समन्वय ओ सहकार्य, जन स्वास्थ्यके मापदण्ड पालन, जोखिम संचार ओ अनुगमन मन्त्री खडका जनैलै । कार्यक्रममे सामाजिक विकास मन्त्रालयके निमित्त सचिव गणेश बहादुर सिंह ओ सामाजिक विकास मन्त्रालयके स्वास्थ्य महाशाखा प्रमुख नरेन्द्रसिंह कार्की, टमान शाखाके प्रमुख, संचारकर्मीहुकनके सहभागिता रहल रहे ।