घोडघोडीमे काल्ह सार्वजनिक विदा

पहुरा समाचारदाता
धनगढी,२१ अगहन । घोडाघोडी नगरपालिका काल्ह (२२ गते) एक दिन सार्वजनिक विदा डेना निर्णय करले बा ।

मंगरके रोज सुचना जारी करटी नगरपालिकाके निमित्त प्रमुख प्रशासकीय अधिकृत खगेन्द्र बहादुर सिंह लवाङी पूजाके अवसरमे एक दिन बुधके रोज सार्वजनिक विदा डेना निर्णय हुइल जनैलै । थारु समुदायके विशेष पर्व लवाङी पूजाके उपलक्ष्यमे विदा डेहल सूचनामे जनाइल बा ।

बुधके रोज नगरपालिकाभिटरके सक्कु कार्यालय, संघसंस्था तथा शिक्षण संस्थामे सार्वजनिक विदा रहल जनागिल बा । लवाङी पूजा हरेक बर्ष बिबाह पञ्चमीके दिनमे कैना उ पुजा विशेष करके नयाँ अन्न अपन देउताहे चढाके पुजा कैना चलन बा ।