फरार दुई प्रतिवादी पक्राउ

पहुरा समाचारदाता
धनगढी, २२ अगहन । कैलालीमे २ जना प्रतिवादी १४ बर्षपाछे पक्राउ परल बटै । जिल्ला प्रहरी कार्यालय कैलाली ओ ईलाका प्रहरी कार्यालय सडकपुर कैलालीसे खटल प्रहरी टोली ज्यान मर्ना उद्योगके फरार प्रतिवादी ओ सवारी ज्यान मुद्दाके फरार प्रतिवादी करके २ जाने प्रतिवादी १४ बर्षपाछे पक्राउ करल हो ।

ज्यान मर्ना उद्योगके फरार साविकके दोदोधरा गाविस ७ के ३३ वर्षीय दिपेन्द्र बुढाहे ईलाका प्रहरी कार्यालय सडकपुर कैलालीसे खटल प्रहरी टोली पक्राउ करल हो । दिपेन्द्र २०६४ साल चैत ०८ गते १ जाने व्यक्तिहे ज्यान मर्ना उद्योग करके फरार हुइल रहिट नम्मा अवधिके खोज तलासपाछे ओइनहे पक्राउ करल प्रहरी जनैले बा ।

ओस्टेक सवारी ज्यान मुद्दाके फरार कैलालीके साविक दोदोधरा गाविस वडा नम्बर ७ बैठना ३० बर्षीय मोहन भट्टराई १४ बर्षपाछे पक्राउ परल बटै । पूर्व–पश्चिम राजमार्गमे उहाँ चलाइल से १ प ६७६३ नम्बरके मोटरसाईकलसे एक जाने पैदल यात्रीहे ठक्कर डेके घटनास्थलमे मृत्यु हुइल रहे । उहाँफे वारदात मितिसे फरार रहल रहे । पक्राउ पश्चात प्रहरीसे ओइने दुनु जाने प्रतिवादीहे सम्मानित कैलाली जिल्ला अदालतसे म्याद थप हुके थप अनुसन्धान हुइटी रहल जनाइल बा ।