धनगढी जेसिजके अध्यक्षमे पाण्डे

पहुरा समाचारदाता
धनगढी, २३ अगहन । धनगढी जेसिज वर्ष २०२२ के लाग जेसि भुवन पाण्डे अध्यक्ष निर्वाचित हुइल बटै । धनगढी जेसिजके ३९ औं शाखा अधिवेशनसे भुवन पाण्डेके नेतृत्वमे सर्वसम्मत रुपमे कार्यसमिति चयन हुइल हो ।

अधिबेशनसे कार्यकारी उपाध्यक्षमे जेसि महेश्वर ओझा ओ शुभ ठाकुर, उपाध्यक्षमे जेसि नरेश नेगी, गोबिन्द पन्त, दिपक गौतम ओ चन्द्रकान्त पनेरु निर्वाचित हुइल हुइट ।

साथे निर्वाचित अध्यक्षसे मनोनीत कैना व्यवस्था अनुसार कार्यसमितिके महासचिवमे जेसि जनार्दन बम्म, कानुनी सल्लाहकारमे जेसि इन्जिनियर रोशन भट्ट ओ कोषाध्यक्षमे जेसि मोहन ओझाहे मनोनीत करल बा ।

कार्यसमितिके और पदाधिकारी अध्यक्षसे मनोनयन कैना अध्यक्ष पाण्डे बटैलै । साथे नवनिर्वाचित अध्यक्ष पाण्डेसे महत्वपूर्ण जिम्मेवारी प्रदान कैना सक्कु जेसिजके सदस्य एवं अग्रजहे धन्यवाद व्यक्त करलै ।