धनगढीके मेयर ओ उपमेयरसे केन्द्रीय सदस्यमे उम्मेदवारी घोषणा

पहुरा समाचारदाता
धनगढी, २३ अगहन । नेपाली कांग्रेसके १४ औं महाधिवेशनमे धनगढी उपमहानगरपालिकाके नगर प्रमुख तथा उपप्रमुख उम्मेदवारी घोषणा करले बटै । धनगढी उपमहानगरपालिकाके नगर प्रमुख नृपबहादुर वड केन्द्रीय सदस्य (समावेशी दलितओर) ओ उपप्रमुख सुशीला मिश्र भट्ट सुदूरपश्चिम (महिला)केन्द्रीय सदस्य पदमे उम्मेदवारी घोषणा करल हुइट ।

मेयर वड पार्टी सुदृढीकरण, शसक्त ओ प्रभावकारी बनैना अपन उम्मेदवारी घोषणा करल बटैलै । काठमाडौमे विफेक रोज केन्द्रीय सह–महामन्त्रीके आंकाक्षी मीन विश्वकर्मासंगे मेयर वड उम्मेदवारी घोषणा करल रहिट ।

नगर प्रमुख वडसे केन्द्रीय सदस्यमे उम्मेदवारी घोषणासंगे उहाँ केन्द्रीय महाधिवेशन प्रतिनिधिहुकनहे मतदानके लाग समेत अपिल करले बटै ।

मेयर ओ उपमेयर दुनु जाने प्रधानमन्त्री तथा वर्तमान पार्टी सभापति शेरबहादुर देउवानिकट रहल बटै ।