दुई जिल्लाके ग्रामीण महिला समूहहे सहयोग

पहुरा समाचा।दाता
धनगढी, २४ अगहन । कैलाली ओ डडेल्धुरामे हिंसा न्यूनीकरणमे क्रियाशील ग्रामीण महिला समूहहुकनहे सहयोग कैगिल बा । यूएन वुमनके आर्थिक सहयोगमे महिला कानून र विकास मञ्च तथा दलित महिला अधिकार मञ्चसे दुई जिल्लाके १० ठो महिला समूहहे सहयोग करल हो ।

दुनु जिल्लामे रहल समूहसे माग करल अनुसार संस्थागत अवश्यकताहे मध्यनजर करटी कैलाली ओ डडेल्धुराका उत्पीडित महिला कृषि सहकारी संस्था, सामाजिक सचेतना महिला संजाल, गृहणी कृषक महिला समूह, महिला मुक्ती समाज, कंचन हरियाली उद्यमी कृषक समुह, सर्वाङी अपाङगता महिला विकास समूह, देउराली महिला कृषि सहकारी संस्था, महिला जागरण केन्द्र, सामुदायिक महिला स्वास्थ्य स्वयमसेविका, हिमाल वचत तथा ऋण सहकारी संस्थाहे ल्यापटप, दराज, कुर्सी, प्रिन्टर, साइकललगायतके सामाग्री वितरण करल बा ।

महिलाके सवालमे काम करटी आइल समूहहुकनहे काम कैना आउर सहज होए कना उद्देश्यके साथ सहयोग करल महिला कानून ओ विकास मञ्चके कार्यक्रम संयोजक सागर पाठक बटैलै । समूहहे सहयोग हस्तान्तरण अवसरमे उपस्थित सुदूरपश्चिम प्रदेशके सामाजिक विकास राज्यमन्त्री मनाकुमारी साउँद ग्रामीण भेगमे रहल महिला समूहसे ग्रामीण महिलाके टमान समस्याबारे आवाज उठैना काम करटी आइल बटैली । उहाँ यैसिन समूहहे सहयोग करके टमान दाताहुक्रे पुलके काम करटी रहल उल्लेख करली ।

महिला हिंसा न्यूनीकरणके सवालमे काम करटी आइल समूहहे लैङिक हिंसा विरुद्धके १६ दिने अभियानके क्रममे सहयोग करल हो । यिहीसे हिंसा न्यूनीकरणसम्बन्धी काम कैनामे थप सहयोग पुग्न दलित महिला अधिकार मञ्च धनगढीके जिल्ला अध्यक्ष सावित्रा घिमिरे बटैलै । उहाँ ग्रामीण क्षेत्रमे हुइना हिंसा न्यूनीकरणके लाग महिलासे संगठित रुपमे आवाज उठैटी आइल उल्लेख करटी ल्यापटप लगायतके सामग्री पाइलपाछे काम कैना आउर सहज हुइना उल्लेख करली । ‘समूहसे करटी आइल काममे हम्रे इँटा थप्न काम केल करडेहल बटी, उहाँ कहली । सहयोग हस्तान्तरण कार्यक्रममे स्वागत तथा उद्देश्यबारे यूएन वुमनके अञ्जना वैद्य जानकारी डेली । कार्यक्रममे दुई जिल्लाके टमान महिला समूहके व्यक्तिके उपस्थिति रहल रहे ।