एमाले सुदूरपश्चिम प्रदेश अध्यक्षमे दामोदर
पहुरा समाचारदाता
धनगढी, २६ अगहन । नेकपा एमाले सुदूरपश्चिम प्रदेश अध्यक्षमे दामोदर भण्डारीहे तोक्ले बा । भक्तपुरमे जारी केन्द्रीय कमिटी बैठकमे प्रदेश अध्यक्षके लाग अध्यक्ष केपी शर्मा ओली सातु प्रदेशके अध्यक्षके नाउँ पढके प्रस्ताव करले रहिट ।
प्रस्ताव करलमे प्रदेश १ के अध्यक्षमे तुलसी न्यौपाने, २ के अध्यक्षमे रामअवतार यादव, बागमतीके अध्यक्षमे केशव राज पाण्डे, गण्डकीके नवराज शर्मा, लुम्बिनीके अध्यक्षमे राधाकृष्ण कँडेल, कर्णालीके विनोदकुमार शाह ओ सुदूरपश्चिम प्रदेश अध्यक्षमे दामोदर भण्डारी बटै । ओैस्टेक उपत्यक विशेषमे प्रेम पराजुली रहल बटै ।
केन्द्रीय कमिटी, स्थायी कमिटी, पोलिटब्युरो ओ प्रदेश अध्यक्षहुकनके नाम ओली ऐक्केली प्रस्ताव करल कहटी बैठकमे नेताहुक्रे आलोचना करले रहिट । यैसिक आलोचना करुइयामे युवराज ज्ञवाली, अष्टलक्ष्मी शाक्य लगायत रहल बटै ।
केन्द्रीय सदस्यमे ४४ जाने मनोनित
एमालेसे ४४ जाने केन्द्रीय सदस्य मनोनित करले बा । अटँवार बैठल केन्द्रीय कमिटी बैठकमे अध्यक्ष केपी ओली विधानअनुसार १० प्रतिशत केन्द्रीय कमिटी सदस्य मनोनयनके लाग ४४ जाने नेताके नाम प्रस्ताव करल रहिट । सक्कुहुनहे केन्द्रीय कमिटी बैठकसे मनोनीत करल हो ।
विधानअनुसार खुला २०, महिला १५ जाने ओ पार्टी एकताके प्रक्रियासे नौ जाने मनोनीत करल एमाले जानकारी डेले बा । मनोनीत हुइनामे एमालेके प्रमुख सचेतक विशाल भट्टराई, लालबाबु पण्डित, दुर्गा प्रसाईसे विद्यार्थी नेता ऐन महरसम बटै । प्रसाई मेडिकल व्यवसायी हुइट । उहाँ माओवादी केन्द्र छोरके एमाले प्रवेश करले रहिट । पण्डित पदाधिकारीमे नाम नइपरलपाछे एमालेके महाधिवेशन छोरके नेगल रहिट । विगतमे उहाँ एमालेमे माधवकुमार नेपाल निकट रहिट ।
मनोनित हुइलमे पुरुषओर दल फडेरा, ऐन महर, मानवीर राई, चन्द्रमोहन गौचन, रतनाथ योगी, रमेश पौडेल, पदम गिरी, सूर्य पाठक, यज्ञ बोगटी, हरि घिमिरे, युवराज बास्तोला, विशाल भट्टराई, उद्धव रेग्मी, बद्री न्यौपाने, रुपनारायण श्रेष्ठ, प्रेम दंगाल, हरिकृष्ण व्यञ्जनकार, भीम केसी, लालबाबु पण्डित, सुभास देवकोटा, चुडादेव सिंह, रेशम लामा, दुर्गा प्रसाई, गोविन्द दुवाल, सहदेव बोगटी, बालसिंह काउछा, कृष्ण केसी, चन्द्रबहादुर विक ओ विषमलाल अधिकारी रहल बटै ।
ओस्टेक महिलाओर इन्दिरादेवी गौतम, सरस्वती चौधरी, यमुना रोका, उमा कोइराला, कल्पना चापागाईँ, आशा विक, नैनकला ओझा, मन्जु गुरुङ, विमला अर्याल, इन्दिरा सञ्जाल, शान्ति अधिकारी, रुक्मिणी राठा, सरस्वती यादव, तारादेवी गुरुङ ओ गीता कार्की मनोनित हुइल बटै ।
४५ सदस्यीय स्थायी कमिटी
नेकपा एमालेके अध्यक्ष केपी शर्मा ओली ४५ सदस्यीय स्थायी कमिटी प्रस्ताव करले बटै । भक्तपुरमे बैठटी रहल केन्द्रीय कमिटी बैठकमे ओली स्थायी कमिटी प्रस्ताव करल हुइट । १९ सदस्यीय पदाधिकारी बाहेक २६ जानेक नाम प्रस्ताव हुइल एक नेता जानकारी डेलै ।
स्थायी कमिटीमे प्रस्ताव करल नेतामे घनश्याम भुसाल, गुरु बराल, देवराज घिमिरे, भीम आचार्य, लालबाबु पण्डित, खगराज अधिकारी, किरण गुरुङ, काशीनाथ अधिकारी, रघुजी पन्त, भानुभक्त ढकाल, मणिचन्द्र थापा, शेरधन राई, कृष्णगोपाल श्रेष्ठ, अग्नि खरेल, प्रभु साह, राजन भट्टराई, सीता पौडेल बटै । ओस्टेक विन्दा पाण्डे, गोरख बोगटी, कर्णबहादुर थापा, राजेन्द्र गौतम, थाममाया थापा, शेरबहादुर तामाङ, शिवमाया तुम्बाहाङ्फे, हिक्मत कार्की रहल बटै ।
