काँग्रेस सभापति पदके लाग दोसर चरणमे मतदान हुइना
काठमाडौं, २८ अगहन । नेपाली काँग्रेसके सभापति पदके लाग फेन मतदान हुइना हुइल बा । मंगर बिहान ओराइल मतगणनामे सभापतिके उम्मेदवार शेरबहादुर देउवा औरसेसे ढेर मत पैलेसे फेन बहुमत पुगाइ नैसेक्के दोसर चरणमे मतदान करेपरना काँग्रेस केन्द्रीय निर्वाचन समिति जनैले बा । काँग्रेसके विधान अनुसार सभापतिमे निर्वाचित हुइना बहुमत अर्थात् ५१ प्रतिशत मत नानेपरठ ।
निर्वाचन समितिके संयोजक वरिष्ठ अधिवक्ता गोपालकृष्ण घिमिरे सभापतिके लाग दोसर चरणमे मतदान हुइना जानकारी डेलैं । उहाँक अनुसार मतदान आज हुइना ओ कुछ बेरमे पत्रकार सम्मेलन कैके यीबारे जानकारी डेजाइठ । सोम्मार हुइल मतदानमे चार हजार ६७९ मत गिरल रहे ।
यीअनुसार कौनो फेन उम्मेदवार निर्वाचित हुइना २३४० मत आवश्यक परठ । यद्यपि, सबसे धेर मत नानल देउवा २२५८ मत्र किल पैलैं । उहाँहे सभापति निर्वाचित हुइना ८२ मत अपुग हुइल रहे । दोसर चरणमे हुइना मतदानमे प्रधानमन्त्री देउवा ओ डा. शेखर कोइरालाबीच प्रतिस्पर्धा हुइना उहाँ बटैलैं ।
