घोडाघोडी–१२ साक्षरता घोषणा
पहुरा समाचारदाता
पहलमानपुर, ०१ पुस । कैलालीके घोडाघोडी नगरपालिका वडा–१२ हे साक्षरता घोषणा कैगिल बा ।
बुधके रोज एक कार्यक्रमके विच १२ नम्बर वडाहे साक्षरता घोषणा करल रहे । कार्यक्रमके वडका पहुना नगरप्रमुख ममता प्रसाद चौधरी १५ से ५९ बरससमके ६ जाने केल बाँकी रहल बटै, ओइनेफे बस्तुकला, लेनडेन करे सेक्ना ओरसे उहीहे साक्षर कहे सेक्ना बटैलै । २०७६ सालसे नगरपालिकाके प्रोफाइल तयारी हुइटी रहल ओरसे उहाँ जनैलै । उहाँ कहलै, अपन घर परिवारहे अपनही पढाई पर्ना जरुरी बा, वडा १२ मे सदभावके कमी रहल ओरसे मिलाके लैजाई पर्ना जरुरी बा ।
नगर उपप्रमुख प्रेमकुमारी थापा, साक्षर बनाइक लाग बालबालिकाहुकन फकाफुलाके ओ मनोवल बुझके काम करे पर्ना बटैली । उहाँ महिला स्वयसेविकाहुकनहे घरघर जाके रिपोर्ट लेहे पर्ना जरुरी रहल बटैली ।
प्रमुख प्रशासकीय अधिकृत खगेन्द्र बहादुर सिंह घरके कामकाज, बोर्ड, पम्पलेट, हिसाब लेनडेना करे सेक्ना व्यक्तिहुकनहे साक्षर कहे सेक्ना बटैलै ।
सुखड सामुदायिक सिकाई केन्द्रके संयोजक शिव प्रसाद ढकाल ९७ प्रतिशत साक्षर रहल घोडाघोडी नगरपालिका भिटटर बटैं । ओ ५ प्रतिशत बृद्धा अवस्थामे बटै । कार्यक्रममे साहारा चर्चके पास्टर सुरज कठरिया साक्षर कहलेक क से ज्ञ सम्म, १ से १०० सम, ए से जेडसम पढे लिखे जानलहे कहे सेक्जाई ।
यिहे विच राष्ट्रिय माविहे योगदान पुगाइल कहटी कदरपत्र, उ विद्यालय पूर्व व्यवस्थापन समिति अध्यक्ष खुशलाल चौधरी, शिक्षक भक्त बहादुर गिरी, बाल प्रावि खोपाके खुशीराम चौधरी, राष्ट्रिय माविके पूर्व अध्यक्ष रामकिसान चौधरी कदर पत्रसे सम्मान करल बा । वडा–१२ के अध्यक्ष पर्ना कुमार चौधरीके अध्यक्षतामे हुइल कार्यक्रमके संचालन सचिव धनिराम चौधरी ओ स्वागत प्रअ सन्तोष चौधरी करले रहिट ।
