अपाङगता रहल व्यक्तिहुकनहे डन्डुर कपडा प्रदान
पहुरा समाचारदाता
मसुरिया, २ पुस । कैलालीके गौरीगंगा नगरपालिका वडा न. ९ मे अपाङता रहल व्यक्तिहे विफेक रोज डन्डुर सल प्रदान करल बा ।
अपाङता समन्वय समितिके अध्यक्ष दिनेश भण्डारीके अध्यक्षतामे हुइल कार्यक्रममे ८१ जाने अपाङता रहल व्यक्तिहुकनहे डन्डुर सल वितरण करल रहे । कार्यक्रममे वडा नं ९ के अध्यक्ष हरि प्रसाद तिवारी, वडा सदस्य प्रेम ताडी, वडा सचिव रेखा भण्डारी डन्डुर कपडा ओढाके अपाङता रहल व्यक्तिहुकनहे सम्मान करल रहिट । घरपरिवारसे अपाङता रहल सदस्यहे आदरसम्मान करके स्वास्थ्य स्याहार तथा सामाजिक कार्यमे प्रोत्साहन कैना विश्वासके साथ वडाके सक्कु अपाङता रहल व्यक्तिहुकनहे सम्मान करल वडा अध्यक्ष तिवारी बटैले बटै ।
अपाङता रहल व्यक्तिहे जुरार मौसम ओढ्न डन्डुर सल वितरण वडा नं. ९ कार्यालयसे करल हो । कार्यक्रममे उपस्थिति हुइल अपाङता रहल व्यक्तिहुक्रे अपनेहुकनहे वडासे हरेक बर्ष जुरार मौसममे डन्डुर कपडा प्रदान हुके घर परिवारसे आत्मिय सम्मान हुइना करल राजेन्द्र प्रसाद डगौरा बटैलै ।
