विद्यालयमे अध्ययनरत छात्राहुकनहे शैक्षिक सामग्री वितरण
पहुरा समाचारदाता
धनगढी, ५ पुस । कैलालीके धनगढी उपमहानगरपालिका ओ गोदावरी नगरपालिकामे रहल सामुदायिक विद्यालयमे अध्ययनरत ३७ विद्यालयके नौं सय ६० छात्राहुकनहे शैक्षिक सामग्रीके साथे विद्यालय पोशाक ओ न्यानो कपडा वितरण करल बा ।
चेलीबेटी ओसारपसार रोकथाम अन्तर्गत विपन्न वर्गके बालबालिकाहुकनहे शिक्षाके माध्यमसे जोखिम न्यूनीकरण करना उद्देश्यसे दुई पालिकामे रहल सामुदायिक विद्यालयमे अध्ययनरत कक्षा १ से १० सम अध्ययनरत छात्राहुकनहे शैक्षिक सामग्री वितरण करल हो ।
अमेरिकन हिमालयन फाउण्डेसनके आर्थिक सहयोग, ग्रामीण स्वास्थ्य तथा शिक्षासेवा गुठी काठमाडौं ओ महिला विकास समाज धनगढीके समन्वयमे शैक्षिक सामग्री, पोशाक ओ न्यानो कपडा वितरण करल हो ।
कक्षा १ से २ समके छात्राहुकनहे कापी १६ ठो, पेन्सिल ३०, इरेजर १५, झोला १, पेन केस १, शर्टिङ १, सूटिङ १ ओ स्वीटर १ ठो प्रदान करल बा । कक्षा ३ मे अध्ययनरत छात्राहुकनहे कापी १६, पेन्सिल ३०, इरेजर १५, रेष्ट बुलेटिन १, झोला १, पेन केस १, शर्टिङ १, सूटिङ १ ओ स्वीटर १ ठो प्रदान करल बा । कक्षा ४ ओ ५ के छात्राहुकनहे कापी २०, डटपेन १५, पेन्सिल ५, इरेजर ५, रेष्ट बुलेटिन १, ज्यामेटी बक्स १, पेन केस १, शर्टिङ १, सूटिङ १ ओ स्वीटर १ ठो प्रदान करल बा ।
कक्षा ६ ओ ७ मे अध्ययनरत छात्राहुकनहे कापी २०, डटपेन २०, पेन्सिल ५, ईरेजर ५,५, रेष्ट बुलेटिन १, ज्यामेटी बक्स १, पेन केस १, शर्टिङ १, सूटिङ १ ओ स्वीटर १ ठो प्रदान करल बा । कक्षा ८ ओ ९ मे अध्ययनरत छात्राहुकनहे कापी २४, लम्मा कापी ६, डटपेन ३०, पेन्सिल ५, ईरेजर ५,५, रेष्ट बुलेटिन १, ज्यामेटी बक्स १, पेन केस १, शर्टिङ १, सूटिङ १ ओ स्वीटर १ ठो प्रदान करल बा । ओस्टेक, कक्षा १० मे अध्ययनरत छात्राहुकनहे कापी २४, लम्मा कापी ६, डटपेन ३०, पेन्सिल ५, ईरेजर ५, रेष्ट बुलेटिन १ ओ ज्यामेटी बक्स १ प्रदान करल बा ।
ओस्टेक, अगहन २६ गते गोदावरी नगरपालिका–७, हरैयास्थित दुर्गा भवानी माध्यमिक विद्यालयमे एक कार्यक्रमके आयोजना कैके ४३ जाने छात्राहुकनहे शैक्षिक सामग्री वितरण करल रहे ।
गोदावरी नगरपालिका अन्तर्गत २० ठो सामुदायिक विद्यालयमे कक्षा १ से १० सम ५ सय ४७ छात्राहुक्रे चेलीबेटी ओसारपसार रोकथाम कार्यक्रम (एसजिटी) कार्यक्रम अन्तर्गत अध्ययनरत बटैं ।
धनगढी उपमहानगरपालिका–११, घोडसुवामे विद्यालयके विद्यालय व्यवस्थापन समितिके अध्यक्ष रघुनाथ रानाके अध्यक्षतामे तथा वडा सदस्य उत्तमराज जोशी, धनगढी उपमहानगरपालिकाके विद्यालय निरीक्षक घुम्मनसिंह वडायकके उपस्थितिमे छात्राहुकनहे उ सामग्री वितरण करल हो ।
