कांग्रेस केन्द्रीय सदस्यमे डा. गोपाल दहित ओ पद्मनारायण चौधरी निर्वाचित

पहुरा समाचारदाता
धनगढी, ५ पुस । नेपाली कांग्रेसके १४औं महाधिवेशन अन्र्तगतके खुला ओरके मतगणना ओराइल बा । पार्टी कार्यालय सनेपामे अट्वारके हुइल अन्तिम मत परिणाम अनुसार ३५ उम्मेदवार निर्वाचित हुइल बाटै ।

मतपरिणा अनुसार लोकप्रिय मत सहित डा. शंशाक कोइराला पहिल नम्बरमे निर्वाचित हुइल बाटै । उहाँ ३८३६ मत लन्ले बाटै । ओस्टके डुसरामे एनपी साउद २९३७, टिसरामे बालकृष्ण खाँण २८७९, चौठामे उदय शम्शेर राणा २८४३ ओ पाँचौमे रामहरि खतिवडा २८३२ मत लन्ले बाटै ।

थारु समुदायके दुई नेता फेन निर्वाचित हुइल बाटै । देउवा समूहसे उम्मेदवारी डेहल पद्यनारायण चौधरी २३औं नम्बरमे २०३८ मत लानके विजयी हुइल बाटै कलेसे डा. गोपाल दहित ३४औं नम्बरमे १७१० मत लानके विजयी हुइल बाटै ।