‘टीभीएस राइडर सप्तरंग–३’ कार्यक्रम
पहुरा समाचारदाता
धनगढी, ६ पुस । आजकलके चर्चित ‘फूल बुट्टे सारी, सपक्क पारी…’ गीतमे सोम्मार साँझ धनगढीवासी गायिका मिलन नेवालसँग स्वर मिलैले बटैं ।
‘शान्तिपूर्ण ओ सुरक्षित समाज’ के परिकल्पनासहित ‘टीभीएस राइडर सप्तरंग–३’ कार्यक्रममे गायिका मिलन ‘चरीले काफल टिप्यो…,’ ‘गाला रातै…,’ ‘आशैको गुलेलीमा…’ लगायत गीतमे प्रस्तुत करले रहि ।
गृष्मा ब्रोडकास्टिङसे आयोजना करल कार्यक्रममे गायक प्रमोद खरेल ‘ओइ झुमा…’ कटि धनगढीहे झुमैले रहैं । उहाँ ‘राताे टिका निधारमा…’, ‘यो कुरा गोप्य नै राखौला…,’ ‘ढाँटेको छैन…’, ‘म बाँचेकै तिमीसँग…’ लगायत गीत प्रस्तुत करले रहैं । ओस्टेक, गायिका अस्मिता अधिकारी ‘ए ससुरा बा मलाई साली मनप¥यो…’ कटि सब जहनहे नचैलि । उहाँ ‘रम रम रमौटी…,’ ‘टाढा भएपनि…,’ ‘तिम्रो मायाले बाँढेर राख…,’ ‘लजावती झारजस्तो…’ लगायत गीत प्रस्तुत कले रहि ।
कार्यक्रममे चर्चित कलाकार राजेश हमाल, बद्री पंगनी, अनिल सिंह, खेलाडी दीपक विष्ट, नेपाल आइडल रवि ओडलगायतके प्रस्तुति रहे ।
सातु प्रदेशमे रहल जनताहे, जनतासे, जनताके निम्ति कना कहाइहे जनमानसमे कलामार्फत प्रतिबिम्ब करैना सप्तरंगके मूल लक्ष्य रहल आयोजक जानकारी डेले बा ।
अगहन २४ गतेसे काँकडभिट्टासे सुरू हुइल कार्यक्रम पुस ९ गते पोखरामे समापन हुइ । अगहन २६ मे जनकपुर, २८ मे चितवन, पुस १ मे नेपालगञ्ज, ३ मे सुर्खेत, ५ मे धनगढी ओ पुस ९ मे पोखरामे कार्यक्रम आयोजना करना आयोजक जनैले बा ।
दोसर संस्करण प्रायोजन करल टीभीएस तेसर संस्करणमे फेन निरन्तरता डेले बा । टीभीएस यीचो फेन मुख्य प्रायोजक बनल बा । यीचो टीभीएस अपन नयाँ बाइक ‘टीभीएस राइडर’ साथ लेके प्रचार करना जनैले बा ।
कार्यक्रमके धनगढी उपमहानगरपालिकाके नगरप्रमुख नृपबहादुर वड उद्घाटन करले रहैं ।
