थप ४ थारु केन्द्रीय सदस्यमे निर्वाचित
पहुरा समाचारदाता
धनगढी, ६ पुस । नेपाली काँग्रेसके १४ औं महाधिवेशन अन्तर्गत मत परिणाम अइना क्रममे मंगरके रोज थारु नेताफे केन्द्रीय सदस्यमे निर्वाचित हुइल बटै ।
नेपाली काँग्रेस थारु खुल्ला कोटासे अत्याधिक बहुमतके साथ केन्द्रीय सदस्यमे रामजनम चौधरी, योगेन्द्र चौधरी, कल्पना चौधरी ओ जीवन रानाथारु निर्वाचित हुइल बटै । यिहीसे आघे खुला केन्द्रीय सदस्यमे डा. गोपाल दहित ओ पद्मनारायण चौधरी निर्वाचित हुइल रहिट कलेसे थारु कोटासे सहमहामन्त्रीमे उमाकान्त चौधरी विजय हुइल रहिट । ओस्टेक उपसभापतिमे विजयकुमार गच्छार भर दुई मतसे केल पराजय भोगल रहिट ।
नेपाली काँग्रेसके १४ औं महाधिवेशन अन्तर्गत मत परिणाम अइना क्रम जारी बा । अइना चार वर्षके लाग काँग्रेस सभापतिमे शेरबहादुर देउवा फेरसे निर्वाचित हुइल बटै ।
उपसभापति पूर्णबहादुर खड्का ओ धनराज गुरुङ निर्वाचित हुइल बटै कलेसे महामन्त्रीमे गगन थापा ओ विश्वप्रकाश शर्मा विजयी हुइल बटै । ओस्टेक सहमहामन्त्रीमे आदिवासी जनजातिओर भिष्मराज आङ्देम्बे, महिलाओर महालक्ष्मी उपाध्याय डिना, मधेसीओर महेन्द्र यादव ओ मुस्लिमओरसे फर्मुल्ला मन्सुर निर्वाचित हुइल बटै ।
सहमहामन्त्रीमे थारुओर उमाकान्त चौधरी ओ खसआर्यओर किशोरसिंह राठौर दलितओर जीवन परियार ओ पिछरल क्षेत्रओर बद्री पाण्डे विजयी हुइल बट । मगरके साँझसम ७२ जाने केन्द्रीय सदस्यके आइल परिणाम आसेकल बा ।
३५ खुला केन्द्रीय सदस्य ओ ९ (खुला महिला) केन्द्रीय सदस्य निर्वाचित हुइल बटै । खुला केन्द्रीय सदस्यमे शशांक कोइराला, गोपालमान श्रेष्ठ, अर्जुननरसिंह केसी, रामशरण महत, बलबहादुर केसी, एनपी साउँद, बालकृष्ण खाण, ज्ञानेन्द्र बहादुर कार्की, रमेश लेखक, दिलेन्द्र बडू ओ दीपक गिरी निर्वाचित हुइल बटै ।
ओस्टेक शंकर भण्डारी, सुनिल थापा, उदय शमशेर राणा, गोविन्द भट्टराई, नैनसिंह महर, रामहरि खतिवडा, जिपछिरिङ लामा, जीतजंग बस्नेत ओ पद्मनारायण चौधरी निर्वाचित हुइल बटै । ओस्टेक, मोहनबहादुर बस्नेत, सुरेन्द्रराज पाण्डे, कुन्दनराज काफले, गुरु बराल, राजीव ढुंगाना, मोहन आचार्य, उमेशजंग रायमाझी, गणेश लामा, कृष्णकिशोर घिमिरे, गोपाल दहित ओ मदनबहादुर अमात्य केन्द्रीय सदस्य बनल बटै ।
गोविन्द पोखरेल, सञ्जय गौतम, दिनेश कोइराला ओ अजयबाबु सिवाकोटी खुला केन्द्रीय सदस्य बनल बटै । ओस्टेक खुला महिलामे डिला संग्रौला, पुष्पा भुसाल, डा आरजु राणा, अम्बिका बस्नेत, ईश्वरी न्यौपाने, सरिता प्रसाईं, रमा कोइराला पौडेल, सुशीला आचार्य ढकाल ओ रंगमती शाही निर्वाचित हुइल बटै ।
ओस्टेक पिछरल क्षेत्र, अपाङताओर ओ अल्पसंख्यकओरसे १–१ जाने केन्द्रीय सदस्यमे निर्वाचित हुइल बटै । भूगोलओर प्रदेश २ से ३ केन्द्रीय सदस्य निर्वाचित हुइल बटै । पिछरल क्षेत्रसे अर्जुनसिंह जोशी, अपाङतासे मदनकृष्ण श्रेष्ठ ओ अल्पसंख्यकसे प्रदीपकुमार सुनुवार निर्वाचित हुइल बटै ।
ओस्टेक भूगोलओर प्रदेश २ से रमेश रिजाल, आनन्द ढुंगाना ओ चित्रलेखा यादव निर्वाचित हुइल बटै । केन्द्रीय निर्वाचन समितिके अनुसार मंगर सेकल मतगणनासे मधेसीओर ९, प्रदेश १ के ३, बागमतीके ३ ओ मुस्लिमओर ३ जाने निर्वाचित हुइल बटै ।
मधेसी खुलाओर अजय चौरसिया, विनोद चौधरी, चन्द्रमोहन यादव, दिनेशकुमार यादव ओ महेन्द्रकुमार राय निर्वाचित हुइल बटै । मधेसी महिलाओर मक्ताकुमारी यादव, मिनाक्षी झा, मञ्जुकुमारी यादव ओ नागिना यादव निर्वाचित हुइल बटै ।
ओस्टेक, प्रदेश १ के खुलाओर अमृत अर्याल ओ राजीव कोइराला निर्वाचित हुइल बटै । दुई सदस्यके लाग ७ जाने उम्मेदवारी डेहल रहिट । प्रदेश १ के महिलाओर महेन्द्रकुमारी लिम्बु निर्वाचित हुइल बटै । एक सदस्यके लाग तीन जाने उम्मेदवारी डेहल रहिट ।
बागमती प्रदशेके खुलाओ ध्यानगोविन्द रञ्जित ओ राजेन्द्रकुमार केसी निर्वाचित हुइल बटै । दुई सदस्यके लाग ६ जाने उम्मेदवारी डेहल रहिट ।
बागमती प्रदेशके महिलाओर उर्मिला नेपाल केसी निर्वाचित हुइल बटी । एक सदस्यके लाग तीन जाने उम्मेदवारी डेहल रहिट ।
मुस्लिम खुलाओर अब्दुल रज्जाक ओ अब्दुल सतार निर्वाचित हुइल बटै । दुई केन्द्रीय सदस्यके लाग १० जानेक उम्मेदवारी डेहल रहिट । महिलाओर जावेदा खातुन जागा निर्वाचित हुइल बटी । एक सदस्यके लाग ६ जाने चुनावी मैदानमे रहिट ।
