पुस १५ गते धनगढीमे डिलाईट साँस्कृतिक साँझ हुइना

पहुरा समाचारदाता
धनगढी, ७ पुस । धनगढीमे इहे पुस १५ गते डिलाईट साँस्कृतिक साँझ २०७८ कार्यक्रम हुइना हुइल बा ।

डिलाइट क्याफेके आयोजनामे हुइना कार्यक्रममे टमान कलाकारहुक्रनके प्रस्तुती रहना जनाइल बा । साँस्कृतिक साँझमे गायिका अन्नु चौधरीके बेजोड प्रस्तुति संगे चर्चित थारु कलाकार नायक संगत थारु, थारु लोक गायक राजु चौधरी, सुनिता दहित, रितु चौधरी ओ मधु चौधरी लगायतके कलाकारके विशेष प्रस्तुति रहना आयोजक जनैले बा ।

यकर साथे कलाकारिता क्षेत्रमे योगदान पुगाइल कलाकार, गायक गायिकाहे सम्मान फेन करजैना ओ दर्शकहुक्रे कार्यक्रममे गायन, डान्स ओ कमेडीके भरपुर मनोरञ्जन लेहे पैना बाटै । टिकट दर रु.१५ सय रहल कार्यक्रममे २ जनहनके खाना सहितके व्यवस्था रहना जनाइल बा ।