बेबारीसे अवस्थामे डल्लबसहित काठ बरामद

पहुरा समाचारदाता
धनगढी, ७ पुस । कैलालीके कैलारी गाउँपालिका वडा नम्बर ७ रामपुरस्थित हुलाकी सडक खण्डसे प्रहरी बेबारीसे अवस्थामे डल्लव सहित काठ बरामद करले बा ।

मंगरके रात साढे ११ बजके ५० मिनेटमे सीमा प्रहरी चौकी रामपुर कैलालीसे खटल प्रहरी गस्ती टोली डल्लबमे बेवारिसे अवस्थामे धारल ७ फीट लम्बाईके २१ ठो सालके कडी(काठ) फेला पारल जिल्ला प्रहरी कार्यालय कैलाली जनैले बा । बेबारीसे अवस्थामे डल्लब सहित भेटल काठ बारे आवश्यक अनुसन्धान हुइटी रहल प्रहरी जनैले बा ।