भ्रामक समाचार प्रसारण करुइया युट्युबहे कारबाहीके चेतावनी
पहुरा |
७ पुष २०७८, बुधबार
पहुरा समाचारदाता
धनगढी, ७ पुस । कैलाली प्रहरीसे जानकी गाउँपालिका–९ के २५ वर्षीय युवा अर्जुन दासके हत्याबारे भ्रामक समाचार प्रसारण करुइया युट्युबहे कारबाहीके चेतावनी डेले बा ।
मंगरके प्रेस विज्ञप्ति जारी कैटी जिल्ला प्रहरी कार्यालय कैलालीसे भ्रामक समाचार प्रसारण करुइया युट्युब सञ्चालकहे कानुनी कारबाही कैना चेतावनी डेहल हो ।
प्रहरी प्रवक्ता वेदप्रकाश जोशीसे जारी विज्ञप्तिमे सुधाखबर, रमाइलो टिभी, निराजन अनलाइन टिभी, वाइबीके अनलाइन खबर, नयाँ खोज नेपाल, वोर्डलिंक च्यानल दास हत्याबारे भ्रामक समाचार प्रसारण करल उल्लेख बा ।
उ च्यानलमे प्रसारण हुइल भ्रामक सामाग्री नै हटैलेसे कानुनी कारबाही कैना जिल्ला प्रहरी कार्यालय कैलाली जनैले बा ।
