अटोरिक्साके भाडादर घटाइ पर्ना कहटी हुलाकी सडक अवरोध

पहुरा समाचारदाता
धनगढी, ९ पुस । भाडा घटाइ पर्ना माग कैटी हुलाकी सडकमे अटोरिक्सा सञ्चालनमे स्थानीय अवरोध करले बाटै ।

कैलालीके धनगढी उमहानगरपलिकासे फूलवारीसम हुलाकी सडक खण्डमे भाडादर घटाइ पर्ना माग कैटी स्थानीयहुक्रे अटोरिक्सा सञ्चालनमे रोक लगाइल हुइट । उहाँहुक्रे धनगढीके क्याम्पस चोकसे फुलवारीसम अटोरिक्सा चालक आपन मनपरी भाडा असुल्टी आइल अरोप रहल बा ।

अटोरिक्सा चालकहुक्रे धनगढीके क्याम्पसचोकसे फूलवारी आई गाँउसम (१९ किलोमिटर)मे १ सय ओ धनगढीसे स्याउले बजारसम (११ किलोमिटर) फेन १ सय रुपिया भाडा लेटी आइल बाटै ।

क्याम्पस चोकसे फूलवारीके स्यालेबजार, डिपोबजार, पच्चीसघर ओ आईगाँउसम क्रमशः ७०, ८०, ९० ओ १०० रुपियाँ भाडादर तय करे पर्र्ना स्थानीयके माग रहल महेश गोले बटैलै ।

अटोरिक्सा चालकहुक्रे स्थानीयहुक्रनके तोकल अनुसार भाडादर कायम नैकैलेसे हुलाकी सडकमे अटोरिक्सा सञ्चालन करे नैडेना स्थानीय जोन तामाङ बटैलै । स्थानियहुक्रे शुकके सक्करहीसे धनगढी फूलवारी सडक खण्ड अन्तरगत फूलवारीके स्याउले बजारमे जमा होके अटोरिक्सा सञ्चालनमे रोक लगैले बाटै ।