नेपाल लोकतान्त्रिक पार्टीके जिल्ला अध्यक्षमे माधव थारु

पहुरा समाचारदाता
धनगढी, ९ पुस । नेपाल लोकतान्त्रिक पार्टीके जिल्ला अध्यक्षमे थरुहट नेता माधव थारु चयन हुइल बटै ।
नेपाल लोकतान्त्रिक पार्टी ओ थरुहट थारुवानके संयूक्त संगठन विस्तार अभियानसे नेता थारुहे अध्यक्षमे चयन करल हो । संगठन विस्तारसे उपाध्यक्षमे देशराज चौधरी सचिवमे प्रदेशी चौधरी लगायत ३५ सदस्यीय कमिटि गठन करले बा । नेपाल लोकतान्त्रिक पार्टीके चुनाव चिन्ह ‘नमस्ते’ रही ।

संगठन विस्तार अभियानसे सांसद रेशम चौधरी जेलसे दर्ता प्रक्रिया आघे बढैटी रहल समुहसंग राजनीतिकरुपमे एकतावद्ध हुके टीकापुर मुद्धा लगायत समग्र उत्पीडनके मुद्दाहे सम्बोधन कैना ओ कराइक लाग आघे बढ्न नव निर्वाचित अध्यक्ष थारु जानकारी डेलै ।
थरुहट थारुवान आन्दोलनहे आउर मजबुट ओ सुद्धिकरण करटी राजनीतिक रुपमे संस्थागत कैना ओ उत्पीडित वर्ग क्षेत्र लिंगके अवाजहे बुलन्द कैना राजनीतिक दल तथा समुहसंग एकताबद्ध हुके उ पार्टीसे गच्छदारसे लत्यइल चुनाव चिन्ह ‘नमस्ते’ हे अंगल्टी अइना चुनावमे लग्ना प्रतिवद्ध रहल नेता थारु बटैलै ।

लम्की चुहा स्थित बलियामे हुइल कार्यक्रम वडका पहुना थरुहट नेता लक्ष्मण थारु, विशिष्ट पहुना पार्टी अध्यक्ष भानुराम थारु, पार्टी उपाध्यक्ष भूमिनन्द बराल, थरुहट नेता श्रवण थारु रहिट ।