प्रदेशमे १२ संक्रमित ठप्लै
पहुरा समाचारदाता
धनगढी, ९ पुस । । सुदूरपश्चिम प्रदेशमे पछिल्का २४ घण्टामे १२ जाने कोरोना भाइरसके संक्रमित ठपल बटै ।
सुदूरपश्चिम प्रदेश सामाजिक विकास मन्त्रालय स्वास्थ्य निर्देशनालयसे डेहल जानकारी अनुसार आरटी पीसिआर ओ एन्टीजेन विधिसे करल परिक्षणसे १२ जनहनमे कोरोनाके संक्रमण पोजेटिभ डेखल रहे । ६ सय ५८ जानेक एन्टीजेन विधिसे परिक्षण करेबेर ५ मे ओ ४६ जानेक आरटी पीसिआर परिक्षणमे ७ जाने करके १२ जनहनमे कोरोना पोजटिभ डेखल मन्त्रालय जनैले बा ।
सुदूरपश्चिम प्रदेशमे हालसम एन्टीजेन ओ आरटी पीसिआर करके ४ लाख २५ हजार ४ सय ३३ जानेक कोरोना परिक्षण करेबेर ३ लाख ७७ हजार २ सय १३ जानेक निगेटिभ ओ ४८ हजार २ सय २० जानेक पोजेटिभ रिपोर्ट आइल रहे । प्रदेशमे हाल ६ सय १४ जाने कोरोना संक्रमिटके ज्यान गैल बा । पछिल्का २४ घण्टामे ४ जाने ठिक हुइल बटै । कोरोनाके सक्रिय संक्रमित ९१ जाने रहल बटै ।
