एलपिएलके छैठौं संस्करण माघ २२ गतेसे

पहुरा समाचारदाता
धनगढी, ९ पुस । धनगढीमे माघ माघ २२ गतेसे विद्यालयस्तरके यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल) हुइना बा ।

विद्यालयस्तरके क्रिकेटहे उकस्ना ओ राष्ट्रियस्तरके क्रिकेटसंग जोरना अभियानमे आघे बढल लिटल फ्लावर प्रिमियर लिगके धनगढीमे पत्रकार सम्मेलनके आयोजना करके मिति घोषणा करल हो । आयोजक लिटल फ्लावर स्पोर्टस एण्ड ईभेन्ट्सके आयोजनामे माघ २२ गतेसे सुरु हुइना प्रतियोगिता फागुन ७ गते समापन हुई । २०७३ सालसे हरेक वर्ष आयोजना हुइटी आइल प्रतियोगिताके छैठौं संस्करणके तयारीफे अन्तिम चरणमे पुगल मिति घोषणा कैना आयोजित पत्रकार सम्मेलनमे लिटल फ्लावर स्पोर्टस एण्ड ईभेन्ट्सके अध्यक्ष रामचन्द्र शाही जानकारी डेलै ।

प्रतियोगितामे यी संस्करणमे देशभरके १० विद्यालय टिमके सहभागिता रहना बा । । लिग कम नकआउट फरम्याटमे खेलैना प्रतियोगिताके विजेता नगद एक लाख ५० हजार सहित ट्रफी तथा मेडल प्राप्त करही । उपविजेता नगद ७५ हजार सहित ट्रफी तथा मेडल प्राप्त कैना आयोजक जनैले बा ।