अटोरिक्साके मनमानि भाडा

हुलाकी सडक अन्तर्गत कैलालीके धनगढी क्याम्पस चोकसे फूलवारीसम चल्ना अटोरिक्साके भाडामे मनमानि हुइल कहटि यात्रुहुक्रे विरोध कर्ले बाटैं । भाडादर घटाइ पर्ना माग कैटी स्थानीयहुक्रे अटोरिक्सा सञ्चालनमे सुखके रोज रोक फे लगैल ।

अटोरिक्सा चालकहुक्रे धनगढीके क्याम्पसचोकसे फूलवारी आई गाँउसम १९ किलोमिटरके भाडा१ सय रुप्या ओ धनगढीसे स्याउले बजारसम ११ किलोमिटरके भाडा फेन १ सय रुप्या लेटी आइल यात्रुन्के आरोप बा ।मनमानि भाडाके विरोधमे उट्रल यात्रुन् भाडादर फेन सुझैले बाटैं । क्याम्पस चोकसे फूलवारीके स्याउलेबजार, डिपोबजार, पच्चीसघर ओ आईगाँउसम क्रमशः ७०, ८०, ९० ओ १०० रुपियाँ भाडादर तय करे पर्र्ना स्थानीयके मागन बा ।

पैल्हक जबानम् पुर्खन लह्रिया लेके धान बोक्नासे लेके पहुनि खैनासममे बेल्सलाँ । मने जबाना अन्सार मेरमेरिक सवारी साधन आइल । लह्रिया ढिरे ढिरे हेरैटि बा । ओहे क्रममे छोट साँकिर डगरेम फेन डौरना अटोरिक्सा छिछालेडर आ सेकल । इ यात्रुन्हे बहुट सहजिल बनैले बा । मने धनगढी क्षेत्रके कहि, चाहे जौन क्षेत्रमे चल्ना अटोरिक्सा होए, सब ओरिक भाडा बहुट मँहगा बा । सहरसे कबुजबु गाउँओर अउइयन घरहिसम अटोरिक्साके सुविधा पाके दंग पर्ठै, मनो जब भाडा सुन्ठाँ टे ओइने कहठाँ, ओहो टेक्सिसे फेन मँहगा ?

अटोरिक्सा चलुइयनके फेन घरबार चलैना रहठिन, इ स्वाभाविक हो । मने फाइडाके मार्जिन सोहाइ माफिक रहेक चाहि । धनि मनै टे अपन सवारी साधनमे सोंइसोंइसोंइसोंइआपन गारिघोरामे चलाजैठैं । अटोरिक्सा चौंह्रुइया फेन निम्न वर्गिय किसाने रहठैं । ओहेसे एकठो डुखिया डोसर डुखियक बट्ठा सुनेक चाहि । धनगढी क्याम्पस चोकसे फूलवारीसम चल्ना अटोरिक्साके भाडामे समायोजन होए ।