अध्यक्षमे राम दहित चयन
पहुरा समाचारदात
धनगढी, १० पुस । नेपाल आदिवासी जनजाति पत्रकार महासंघ (फोनिज) कैलालीके अध्यक्षमे राम दहित निर्विरोध चयन हुइल बटैं ।
फोनिज कैलालीके शनिच्चर धनगढीमे हुइल चौठा अधिवेशनसे १३ सदस्यीय नयाँ कार्यसमिति चयन करल हो । कार्यसमितिके उपाध्यक्षमे गीता चौधरी, सचिवमे सागर कुश्मी, सहसचिव अनिता चौधरी ओ कोषाध्यक्षमे प्रेमलाल चौधरी चयन हुइल बटैं । ओस्टेक, सदस्यमे स्वरुप चौधरी, रामप्रसाद चौधरी, बनवारी राना, मनिषा थारु, कञ्चन चौधरी, प्रविन चौधरी, दिनेश राना ओ खडक चौधरी चयन हुइल बटैं ।
यी आघे कैलारी गाउँपालिकाके अध्यक्ष लाजुराम चौधरी एक कार्यक्रमके बीच अधिवेशनके उद्घाटन करले रहैं । कार्यक्रम फोनिज कैलाली अध्यक्ष रामलखन चौधरीके अध्यक्षतामे हुइल रहे ।
कार्यक्रममे नेपाल पत्रकार महासंघ सुदूरपश्चिम प्रदेश समिति अध्यक्ष योगेश रावल, फोनिज केन्द्रीय सल्लाहकार गणेश चौधरी, नेपाल पत्रकार महासंघ कैलाली अध्यक्ष हिमालय जोशी, फोनिज सुदूरपश्चिम अध्यक्ष भीम चौधरी, नेपाल आदिवासी जनजाति महासंघ सुदूरपश्चिम समिति अध्यक्ष दलबहादुर घर्तिमगर, प्रेस सेन्टर केन्द्रीय सदस्य मुकेश टेंर्रा, प्रेस सेन्टर कैलाली अध्यक्ष तेजराज भट्ट, समाजवादी प्रेस संगठन कैलाली अध्यक्ष लक्ष्मी जैशी, थारु पत्रकार संघ केन्द्रीय समिति उपाध्यक्ष उन्नती चौधरी, फोनिज कैलाली पूर्व अध्यक्ष अनत चौधरी, अविनाश चौधरी, नेपाल लोकतान्त्रिक पार्टीके जिल्ला अध्यक्ष माधव थारुलगायत शुभकामना मन्तव्य व्यक्त करले रहैं ।
कार्यसमिति सदस्य गीता चौधरीे स्वागत करल कार्यक्रमके सञ्चालन सचिव राम दहित करले रहैं ।
उ अवसरमे फोनिज कैलाली पहुरा थारु दैनिकहे १२ ठो कुर्सी हस्तान्तरण करले बा । फोनिज कैलालीमे ४९ जाने आदिवासी जनजाति पत्रकार आवद्ध बटैं ।
