भुर्काभुर्की सावउसके अध्यक्षमे फेनसे पतिराम
पहुरा समाचारदाता
पहलमानपुर, १७ पुस । कैलालीके घोडाघोडी नगरपालिका वडा नम्बर १० लठैयास्थित भुर्काभुर्की सामुदायिक वन उपभोक्ता समूहके दशौं साधारण सभा पतिराम चौधरीहे फेनसे अध्यक्षमे चयन करले बा । पतिराम चौधरीके अध्यक्षतामे ११ सदस्य नयाँ कार्यसमिति चयन हुइल हो ।
कार्यसमितिके उपाध्यक्षमे गगन अधिकारी, सचिवमे मीना विक, सहसचिवमे ईश्वरी चौधरी ओ कोषाध्यक्षमे पूर्ण बडुवाल चयन हुइल बटैं । ओस्टेक, सदस्यमे जालुराम चौधरी, प्रेमलाल चौधरी, खाङखिङ चौधरी, रतन चौधरी, पदम बडुवाल, पवित्रा चौधरी चयन हुइल बटैं ।
ओस्टेक सावउसके चन्द्रबहादुर सिंहके संयोजकत्वमे लेखासमिति चयन हुइल बा । लेखासमितिके सदस्यमे धनीराम चौधरी ओ दीपेन्द्र विक चयन हुइल बटैं । मानबहादुर थारूके संयोजकत्वमे सल्लाहकार समिति बनल बा । सल्लाहकार समितिके सदस्यमे चक्रबहादुर चौधरी ओ काशीराम तिरुवा चयन हुइल बटैं । ओस्टेक, टेकराज सोडारीके संयोजकत्वमे चोरीसिकारी नियन्त्रण समिति चयन हुइल बा । चोरीसिकारी समितिके सदस्यमे पतिराम चौधरी चयन हुइल बटैं । अनुगमन समितिके संयोजकमे अर्जुनप्रसाद डंगौरा थारु चयन हुइल बटैं कलेसे सदस्यमे सरोज चौधरी चयन हुइल बटैं ।
यकरआघे सामुदायिक वन उपभोक्ता समन्वय समिति अध्यक्ष पुष्कलबहादुर बम एक कार्यक्रमके बीच उद्घाटन करले रहैं । कार्यक्रमके उद्घाटन करटि अध्यक्ष बम वनुवा मानव जातिके लाग अतिआवश्यक रहल ओरसे वनुवा संरक्षण करना सक्कु उपभोक्ताके कर्तव्य रहल बटैलैं । उहाँ चयन हुइल नयाँ कार्यसमितिहे सल्लाह, सुझाव ओ सहयोग कैके वन संरक्षणमे लग्नै सबहे आग्रह करलैं ।
कार्यक्रममे वीरेन्द्र सामुदायिक वन उपभोक्ता समूहके अध्यक्ष सुरेश कठायत, तुलसीपुर सामुदायिक वन उपभोक्ता समूहके कोषाध्यक्ष खम्म शाहलगायत मन्तव्य व्यक्त करले रहैं ।
सावउसके सदस्य जालुराम चौधरी स्वागत करल कार्यक्रममे सामुदायके सचिव यम पोखरेल आर्थिक वर्ष २०७७/०७८ सालके सात लाख ७४ हजार ३ सय ९५ बराबरके आयव्यय प्रस्तुत करले रहि । कार्यक्रम सावउसके अध्यक्ष पतिराम चौधरीके अध्यक्षतामे हुइल रहे ।
