धनगढीमे सुदूरपश्चिम महोत्सव लग्ना

पहुरा समाचारदाता
धनगढी, १९ पुस । कोराना महामारीके कारण दुई वर्षसे स्थगित सुदूरपश्चिम महोत्सव यी वर्ष हुइना हुइल बा । विक्रम् संवत् २०६३ सालसे सुरु हुइल महोत्सवके यी १५ औं संस्करण हो ।

कैलाली उद्योग वाणिज्य संघ धनगढीमे सोम्मारके रोज पत्रकार सम्मेल कैके माघ तेसर साता महोत्सव लगैना तयारी हुइटि रहल जानकारी करैले बा । हरेक वर्ष मंसिर २२ गते लग्ना महोत्सव यी वर्ष कोभिड–१९ के पाछे सारल संघके अध्यक्ष पुष्पराज कुँवर बटैलैं । कोरोना संक्रमण घटल कटि माघ १८ गतेसे महोत्सव आयोजना करना संघ जनैले बा ।

यी वर्ष धनगढी उपमहानगरपालिका वडा नम्बर ४ के दक्षिणकाली मार्गमे रहल व्यक्तिगत जग्गामे हुइना संघ जनैले बा ।