भलमन्साहे न्याय सम्बन्धी तालिम
पहुरा समाचारदाता
जोशीपुर, २० पुस । कैलालीके जोशीपुर अन्र्तगतके टमान गाउँक भलमन्साहे न्याय सम्बन्धी तालिम डेहल बा ।
जोशीपुर पालिका स्तरीय भलमन्साहे २ दिने न्याय सम्बन्धी तालिम डेहल हो । जोशीपुर गाउँपालिकाके आर्थिक सहयोग तथा न्यायिक समितिके आयोजनामे तालिम डेहल जनाइल बा ।
जोशीपुर गाउँपालिकाके उपाध्यक्ष एवं न्यायिक समितिके संयोजक गीता कठरियाके अध्यक्षतामे हुइल तालिमके उद्घाटन गाउँपालिकाके अध्यक्ष रामकृष्ण चौधरी करल रहिट । सोम्मारके शुरु हुइल तालिममे पालिका अन्र्तगतके भलमन्सा, मेलमिलापकर्ता, सामाजिक अगुवा कार्यकर्ता महिला तथा समाजसेवीहुक्रनके सहभागीता रहल रहे ।
सामाजिक विकास निर्माण, समाज विकास एवं मेलमिलापके भुमिकामे समुदायके जिम्मेवार ओ विश्वास कहलक बरघर भलमन्सा रहल ओरसे तालिम डेहल जनाइल बा ।
थारु समाजमे बरघर भलमन्सा मन्ना ओ भलमन्साके विश्वासमे सामाजिक कार्य कैना प्रचलन रहल ओरसे समाज विकास तथा सामाजिक मेलमिलाप कैना सहज होए कहिके उहाँहुक्रनके अन्तरनिहित क्षमताके विकास करैना उद्देश्यसे तालिम प्रदान करल उपाध्यइा गीता कठरिया बटैली ।
