महिलाहे कानूनी साक्षरता अभिमुखीकरण
पहुरा समाचारदाता
बर्दिया, २० पुस । महिलाहुकनके सशक्तिकरण तथा कानूनबारे जानकार बनाइक लाग ग्रामीण महिलाहुकनहे कानूनी साक्षरता अभिमुखीकरण करल करल बा ।
युनिक नेपालसे करल उ साक्षरता अभिमुखिकरण गेरुवा गाउँपालिकाके वडा नं. ५, पथरैयाके महिलाहुकनहे करल हो । कानूनी साक्षरता अभिमुखीकरणमे वडा तथा नगरपालिकासे डेना सेवा, घरायसी लिखत, अंशवण्डा तथा जिउनी अंश, अपुताली तथा दान बकस, विवाह दर्ता वहुविवाह सम्बन्धी कसुर, सम्बन्ध विच्छेद र यौन दुव्र्यवहार तथा जबरजस्ती करणी ओ कानूनी उपचार सम्बन्धमे अभिमुखीकरण करल रहे ।
अभिमुखीकरण कार्यक्रमहे अधिवक्ताद्धय सन्तराम धारकटुवाथारु ओ महादेव चौधरी सहजीकरण करले रहिट ।
युनिक नेपालके अध्यक्ष प्रिम बहादुर थारुके अध्यक्षमे हुइल उ अभिमुखीकरणके समापन करटी उहाँ महिलाहुक्रे कानूनके बारेमे जानकार हुन आवश्यक रहल बटैलै । महिलाहुक्रे कानूनके बारेमे जानकार हुइलमे अपने पैना अधिकार सहजरुपमे प्राप्त करे सेक्ना बटैलै ।
