होमस्टे एसोसिएशन जिल्ला समन्वय तदर्थ समिति गठन
पहुरा समाचारदाता
धनगढी, २१ पुस । कैलालीमे होमस्टे एसोसिएशन जिल्ला समन्वय तदर्थ समिति गठन करल बा ।
कैलाली जिल्लामे रहल सामुदायिक तथा निजी होमस्टे सञ्चालकहुक्रनके बुधके थारु सामुदायिक होमस्टे भादा गाउँमे हुइल एक भेलासे उ समिति गठन करल हो । होमस्टे एसोसिएशन नेपालके केन्द्रीय सल्लाहकार तिलक ढकालके बर्का पहुनाइमे हुइल भेलासे बसन्ता कोरिडोर थारु सामुदायिक होमस्टेके सचिव तुनीराम चौधरीके संयोकजत्वमे ११ सदस्यीय समिति गठन करल हो ।
जेकर सदस्यमे क्रमशः सुनिता चौधरी, मानबहादुर चौधरी, सिताराम चौधरी, पुनाराम चौधरी, श्यामकुमारी चौधरी, भागीराम चौधरी ओ दिनेश कुमार चौधरी रहल बाटै । कलेसे समितिके औरे बैठकसे थप सदस्य मनोनयन कैना जनाइल बा ।
कार्यक्रममे होमस्टे एसोसिएशनके केन्द्रीय उपाध्यक्ष रामबहादुर थारु, केन्द्रीय सचिव कृष्णलाल चौधरी, पूर्व केन्द्रीय सदस्य पूर्ण चन्द्र उपाध्याय, प्रदेश अध्यक्ष लक्ष्मी नारायण चौधरी लगायतके पहुना रहल रहिट ।
