थप २४ जनहनमे ओमिक्रोन संक्रमण
काठमाडौं, २३ पुस । नेपालमे थप २४ जनहनमे ओमिक्रोन भेरियन्टके संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार पाछेकचो जिन सिक्वेन्सिङ करल सक्कु २४ नमुनामे ओमिक्रोन भेरियन्ट पुष्टि हुइल हो ।
पुस महिनामे संकलित कोरोना भाइरसके ११४६ पोजेटिभ नमुनाके स्क्रिनिङ करेबर २५० ठोमे एस जिन नेगेटिभ आइल रहे । एस जिन नेगेटिभ करल मध्ये २४ ठोमे जिन सिक्वेन्सिङ करल ओ उ सक्कुमे ओमिक्रोनके संक्रमण पुष्टि हुइल प्रवक्ता डा. संगीता मिश्रा जानकारी डेले बाटी ।
ओमिक्रोन भेरियन्टके कारण बह्रे सेक्ना संक्रमितके चापहे मध्यनजर कैटी सक्कु अस्पतालहे तयारी अवस्थामे रहन कहल उहाँ बटैली ।
सेती अस्पतालमे ६ जनहनमे कोरोना संक्रमण
धनगढी स्थित सेती प्रादेशीक अस्पतालके प्रयोगशालामे शुकके थप ६ जनहनमे कोरोना संक्रमण पुष्टि हुइल बा ।
पाछेक २४ घण्टामे ५६ जनहनमे करल पिसिआर परिक्षणमे ६ जनहनमे कोरोना संक्रमण डेखल अस्पतालके सुचना अधिकारी दिलिप कुमार श्रेष्ठ बटैलै । ओहकान अनुसार अस्पतालमे दुई जाने कोरोना संक्रमितके आइसियूमे उपचार हुइटी रहल बा ।
