जेष्ठ नागरिकहे सम्मान
पहुरा समाचारदाता
हसुलिया, २३ पुस । कैलालीके कैलारी गाउँपालिका वडा नम्बर ४ के वडा कार्यालयसे द्वन्द्व पीडित, अपाङ्गता रहल, जेष्ठ नागरिक तथा एकल महिलाहे सम्मान सहित ब्ल्यांकेट वितरण करले बा ।
जुरारसे जनजीवन प्रभावित हुइटी रहल बेला वडा कार्यालयसे लक्षित वर्गहे सम्मान सहित एकरएकठो ब्ल्यांकेट वितरण करल हो । जाडसे बच्ना सहयोग पुग्ना कहटी वडा कार्यालयसे लक्षित वर्गहे सम्मान कार्यक्रमके आयोजना कैके ब्ल्यांकेट वितरण करल हो । द्वन्द्व पीडित, ज्येष्ठ नागरिक, आपाङ्गता रहल व्यक्ति, एकल महिला सहित ४७० जनहनहे ब्ल्यांकेट डेहल वडा अध्यक्ष भीखराम चौधरी जानकारी डेलै ।
कार्यक्रममे बर्का पहुनाके रुपमे कैलारी गाउँपालिकाके अध्यक्ष लाजुराम चौधरी, सामाजिक विकास अधिकृत यगम कलेल, वडा सदस्य ब्ल्यांकेट हस्तान्तरण करलहिट । ब्ल्यांकेट पाइलपाछे ज्येष्ठ नागरिक लगायत विपन्न व्यक्ति खुशी हुइल बाटै ।
