हिमशिखर सहकारीसे असायहे खाद्य सामग्री
पहुरा समाचारदाता
धनगढी, २३ पुस । हिमशिखर बहुउद्देश्यीय सहकारी संस्था लिमिटेड असाय नागरिकहुकनहे खाद्यान्न ओ नगद सहयोग करले बा । संस्थाके १४ औँ वार्षिकोत्सवके अवसरमे शुकके रोज खाद्यान्न सहयोग करल हो ।
धनगढीमे रहल दृष्टि फाउन्डेसनहे खाद्यान्न हस्तारण करल संस्था जनैले बा ।
सामाजिक उत्तरदायित्व अन्तर्गत संस्था ८ हजार ६ सय बराबरके खाद्यान्न ओ ५ हजार एक सय ५५ रुपैयाँ नगद डेहल संस्थाके हसुलिया शाखा प्रबन्धक युवराज जोशी जानकारी डेलैं । खाद्य सामग्री ओ नगद संस्थाके अध्यक्ष दुर्गाप्रसाद भण्डारी दृष्टि फाउन्डेसनके सदस्य तुलसी भट्टहे हस्तान्तरण करलैं ।
सामग्री हस्तान्तरण कार्यक्रममे संस्थाके उपाध्यक्ष रोशन सिंह, सचिव विमलकुमार जोशी, कोषाध्यक्ष लक्ष्मीराज भट्ट, सदस्य विष्णुदेवी पुरी, प्रबन्धक महेन्द्र शाही लगायत कर्मचारीके उपस्थिति रहल रहे । संस्था वार्षिकोत्सवके अवसरमे हरेक वर्ष सामाजिक क्षेत्रमे कार्य करटि आइल बा ।
धनगढीमे मुख्य कार्यालय रहल हिमशिखर सहकारीके कैलारी गाउँपालिका ओ गोदावरी नगरपालिका समेत शाखा रहल बा । ओस्टेक कुछ दिनमे गौरीगंगा नगरपालिकामे फेन शाखा विस्तारके क्रममे रहल प्रबन्धक महेन्द्र शाह जानकारी डेलैं ।
संस्थाके पुस २५ गते अँट्वारके रोज १३ औं वार्षिक साधारणसभा बा । साधारणसभामे सक्कु शेयर सदस्यहुकनहे उपस्थितिके लाग संस्थाके अध्यक्ष भण्डारी अनुरोध करले बटैं ।
