चर्रामे विपन्न जेष्ठ नागरिकहे न्यानो कपडा वितरण

पहुरा समाचारदाता
धनगढी, २४ पुस । कैलालीके भजनी नगरपालिका वडा नम्बर ७ चर्रामे विपन्न जेष्ठ नागरिकहुकनहे सम्मानसहित न्यानो करपडा वितरण करल बा । भजनी नगरपालिका वडा नम्बर ७ के आर्थिक सहयोगमे विपन्न नागरिकहुकनहे न्यानो कपडासहित सम्मान करल हो ।

कार्यक्रममे वडाके १ सय ढेर जेष्ठ नागरिकहुकनहे ब्ल्यांकेट, टर्चलाईट, फलफूल ओ दोसल्लासहित सम्मान करल रहे ।

कार्यक्रम वडाके वडाध्यक्ष अमरबहादुर कठरियाके अध्यक्षतामे हुइल रहे । कार्यक्रमके बर्का पहुना भल्मन्सा अनिकुमार कठरिया रहल रहिट ।

कार्यक्रममे जेष्ठ नागरिक गेदुवा डंगौरा थारु, भल्मन्सा भोजबहादुर चौधरी, वडा सदस्य सुन्दरीदेवि चौधरी, गुरुदास चौधरी, मायादेवी चौधरीलगायत मन्तव्य व्यक्त करले रहैं । कार्यक्रममे वडा सदस्य टीकाराम चौधरी स्वागत करले रहैं कलेसे संचालन वडा सचिव पूर्णा राणा करले रहि ।