धनगढी लेडी जेसीजके अध्यक्षमे सरस्वती खड्का
पहुरा समाचारदाता
धनगढी, २४ पुस । धनगढी लेडी जेसीजके अध्यक्षमे सरस्वती खड्का भट्ट निर्विरोध चयन हुइल बटि ।
शनिच्चरके रोज धनगढीमे हुइल आठौं पदस्थापना तथा पुरस्कार वितरण समारोहमे उहाँहे अध्यक्ष चयन करल हो ।
धनगढी लेडी जेसीजके कार्यकारिणी उपाध्यक्षमे सुशीला निरौला ओ मञ्जु चन्द बम, उपाध्यक्षमे शिवा शाह, निता चौधरी, निर्मला भट्ट ओ जयन्ती पाण्डेय, महासचिवमे मीना भट्ट, सहसचिवमे यशोदा जोशी, कोषाध्यक्षमे रिज्वाना खातुन चयन हुइल बटैं ।
प्रमुख सल्लाहकारमे लक्ष्मी ओझा, कानूनी सल्लाहकारमे प्रमिला लम्साल, तालिम संयोजकमे मीना खाती, शाखा सम्पादकमे मेलिना क्षेत्री, बृद्धि संयोजकमे रेवती देउवा, प्रकरण निर्देशकमे सरिता साउँद चयन हुइल बटैं ।
ओस्टेक, जनसम्पर्क अधिकारीमे स्मृति झा, कोष वृद्धि संयोजकमे मीना राना, युवा संयोजकमे कञ्चन कडायत ओ एनजीओ/आईएनजीओ संयोजकमे रोजिना जोशी चयन हुइल बटैं । निर्वतमान अध्यक्षमे निर्मला श्रेष्ठ रहल बटि ।
यकरआघे आठौं पदस्थापना तथा पुरस्कार वितरण समारोहके उद्घाटन प्रतिनिधि सभा सदस्य तथा पूर्व वनमन्त्री नारदमुनी राना एक कार्यक्रमके बीच करले रहैं ।
कार्यक्रममे धनगढी उपमहानगरपालिका कार्यपालिका सदस्य यशोदा भण्डारी, सुरत रावत ‘डोटेली कान्छा’ मन्तव्य व्यक्त करले रहैं ।
कार्यक्रम अध्यक्ष निर्मला श्रेष्ठके अध्यक्षतामे हुइल रहे । कार्यक्रममे धनगढी लेडी जेसीजके कोषाध्यक्ष सुशीला निरौला स्वागत करले रहि । कार्यक्रम संचालन मीना भट्ट करले रहिट ।
