माघ १५ गतेसम विद्यालय बन्द करना शिक्षा मन्त्रालयके निर्णय
काठमाडौं, २६ पुस । शिक्षा मन्त्रालय माघ १५ गतेसम विद्यालय बन्द करना निर्णय करले बा । सोमबार मन्त्रालयमे बैठल सचिवस्तरीय बैठक कोभिड–१९ संकट व्यवस्थापन समन्वय केन्द्र (सीसीएमसीसी) के सिफारिसहे कार्यान्वयनमे लैजिना निर्णय करल हो ।
अँट्वार सीसीएमसीसीसे वार्षिक बिदामे मिलान हुइना मेरिक माघ १५ गतेसम विद्यालय बन्द करना शिक्षा मन्त्रालयसमक्ष सिफारिस करले रहे ।
बिदाके अवधिमे १२ से १७ वर्षसमके विद्यार्थी ओ १८ वर्षसे उप्परके सब उमेर समूह ओ पूर्ण खोप लगैना बाँकी शिक्षक, कर्मचारी तथा अभिभावकहे खोप उपलब्ध करैना फेन सिफारिस करल बा । विद्यालय बन्दके मोडालिटीसहितके पूर्ण जानकारीसहितके सूचना मन्त्रालयसे जारी करना तयारी करल बा ।
विश्वविद्यालय ओ शैक्षिक प्रतिष्ठानके पूर्वनिर्धारित सेमेस्टर ओ वार्षिक परीक्षा जनस्वास्थ्य ओ सुरक्षाका मापदण्ड पालना हुइना मेरिक सञ्चालन, परीक्षा केन्द्रमे मास्क ओ सेनिटाइजरके प्रयोग ओ भौतिक दूरीके प्रावधान कडाइके साथ परिपालना करैना व्यवस्था मिलैना शिक्षा मन्त्रालयसमक्ष सिफारिस करल रहे ।
