किराना व्यवसायी संघके अध्यक्षमे फेनसे पन्त
पहुरा समाचारदाता
धनगढी, २८ पुस । किराना व्यवसायी संघ कैलालीके अध्यक्षमे फेनसे लक्ष्मणराज पन्त चयन हुइल बटैं ।
किराना व्यवसायी संघके बुधके रोज हुइल चौठा साधारणसभा तथा अधिवेशनसे पन्त सर्वसमत चयन हुइल हुइट । ओस्टेक, संघके उपाध्यक्षमे मीनबहादुर कुँवर, सचिवमे संगम पोखरेल, सहसचिवमे रमेश भाट, कोषाध्यक्षमे रामचन्द्र भट्ट निर्विरोध चयन हुइल बटैं ।
ओस्टेक, सदस्यमे टेकबहादुर खडरा, देवराज पाण्डेय, दुर्गा कुश्मी ओ पमानन्द भट्ट चयन हुइल बटैं ।
यीआघे एक कार्यक्रमके बीच नेपाल उद्योग वाणिज्य महासंघके केन्द्रिय सदस्य तथा कैलाली उद्योग वाणिज्य संघके अध्यक्ष पुस्पराज कुँवर सभाके उदेघाटन करले रहैं । उद्घाटन कार्यक्रममे अध्यक्ष कुँवर व्यवसायीहुकनके सहकार्य कैके काम करेपरना बटैलैं ।
कार्यक्रमे नेपाल पत्रकार महासंघ कैलालीके अध्यक्ष हिमाल जोशी, कैलाली उद्योग वाणिज्य संघ सचिव सिद्धराज पनेरु, कैलाली विद्युत व्यवसायी संघके शिवराज फूलारा, ललितप्रसाद पन्तलगायत मन्तव्य व्यक्त रहले रहैं ।
किराना व्यवसायी संघके सदस्य मोहनप्रसाद कापडी स्वागत मन्तव्य करल कार्यक्रमके सञ्चालन सचिव संगम पोखरेल करले रहैं ।
