दुई महिने चम्फा मर्मत तालिम सुरु

पहुरा समाचारदाता
हसुलिया, २८ पुस । कैलालीके कैलारी गाउँपालिका–२, उजेलिसेमरस्थित चेतना विकास समाजके आयोजनामे दुई महिने चम्फा (टेलिपावर) मर्मत तालिम बुधबारसे केगाउँमे सुरु हुइल बा ।

कैलारी गाउँपालिका वडा नम्बर ४ के आर्थिक सहयोगमे तालिम सुरु हुइल हो । वडा नम्बर ४ के सदस्य जयराम चौधरी उद्घाटन करल कार्यक्रम चेतना विकास समाजके अध्यक्ष अरुणिमा चौधरीके अध्यक्षतामे हुइल रहे ।

कार्यक्रममे वडा सदस्य सुवा परियार, कमलादेवी चौधरी, मदनलाल चौधरी श्रीप्रसाद चौधरीलगायतके मन्तव्य व्यक्त करले रहैं । दुई महिने चम्फा मर्मत तालिमके प्रशिक्षक अशोक चौधरी रहल बटैं । कार्यक्रममे स्वागत सचिव भिकराम चौधरी करले रहैं ।