जोशीपुर गापासे माघ ३ गतेसम माघी बिदा

पहुरा समाचारदाता
जोशीपुर, २९ पुस । जोशीपुर गाउँपालिका माघी टिहुवारके लाग माघ ३ गतेसम बिदाके डेना निर्णय करले बा ।

गाउँपालिकाके यिहे पुस २१ बैठल बैठकसे माघ १ गतेसे ३ सम स्थानीय विदा डेना निर्णय हुइल प्रमुख प्रशासकीय अधिकृत कमल राज उपाध्याय बटैलै ।

माघी टिहुवार थारु समुदायके नयाँ सालके रुपमे रहल मने और समुदायफे ओटरे महत्वके रुपमे यि टिहुवारके सदभाव टिहुवारके रुपमे लेना कैगिल बा ।

जोशीपुर गाउँपालिका थारु बाहुल क्षेत्र रहल ओरसे ओरसे माघ तिन गतेसम स्थानीय विदा डेगिल हो । यिहीसे आघे कैलारी गाउँपालिकाफे माघी टिहुवारके तीन दिनके स्थानीय विदा डेले बा ।