टीकापुर राजबन्दीहुकन माघी खर्च

पहुरा समाचारदाता
धनगढी,२९ पुस । टीकापुर राजबन्दीहुकनहे माघी खर्च डेगिल बा । विफेक रोज एक कार्यक्रमके विच ६ जाने टीकापुर राजबन्दीहुकनके परिवारहुकन प्रतिएक जनहनहे ३ हजारके दरसे नगद सहयोग कैगिल हो ।

राजबन्दी सन्तराम चौधरी, प्रदीप चौधरी, श्रवण चौधरी, गंगाराम चौधरी, हरिनारायण चौधरी ओ विरबहादुर चौधरीके परिवारहुकनहे सहयोग कैगिल थरुहट थारुवान राष्ट्रिय मोर्चाके सह संयोजक लौटन चौधरी बटैलै ।

थारु राष्ट्रिय कलाकर मञ्चके केन्द्रीय सदस्य रमेश चौधरी (मिसन)के वडका पहुनामे हुइल कार्यक्रमके विशिष्ट पहुना थारु विद्यार्थी समाज कैलालीके अध्यक्ष आशिष चौधरी रहल रहिट ।

कार्यक्रममे मोर्चाके जिल्ला सदस्य घना चौधरी, जसपा नेपालके प्रदेश सदस्य दिनेश चौधरी, नेलोपा कैलालीके जिल्ला उपाध्यक्ष देशराज चौधरी लगायतके सहभागिता रहल रहे । रमेश मिसन चौधरी १० हजार ओ माधव थारु ८ हजार सहयोग करले रहिट ।