दिगो विकाससे स्वास्थ्य सामग्री सहयोग

पहुरा समाचारदाता
हसुलिया, ६ माघ । दिगो विकास समाज भजनीसे कैलारी गाउँपालिकाके कार्यालयहे स्वास्थ्य सामग्री सहयोग करले बा ।

कोरोना भाइरस रोकथाम तथा नियन्त्रण अभियानमे सहयोग पुगैना उद्देश्यसे उ संस्थासे टमान स्वास्थ्य सामग्री सहयोग करल हो । दिगो विकास समाज भजनीके सीएम सरिता चौधरी बुधके उ सामग्री गाउँपालिकाके अध्यक्ष लाजुराम चौधरीहे हस्तान्तरण करल रही ।

उ संस्थासे फेरस सल्फेट, फोलिक एसिड, जिंक, भिटामिन सी, भिटामिन डी–३, भिटामिन इ, भिटामिन बी–१२, भिटामिन बी कम्पलेक्स, भिटामिन बी–६, मास्क, सेनिटाइजर सहयोग करल गाउँपालिकाके कर्मचारी रविन्द्रकुमार चौधरी जानकारी डेलै ।