लागु औषधसहित तीन जे पक्राउ
पहुरा समाचारदाता
धनगढी, ६ माघ । लागु औषध खैरो हिरोईनसहिट तीन जाने पक्राउ परल बटै ।
पक्राउ परलमे धनगढी उपमहानगरपालिका–५ बर्ष ३० के दोर्ण बहादुर रावल, वडा नम्बर २ बैठना बर्ष २९ के टेक विष्ट ओ वडा–४ बैठना बर्ष ३० के मनिष भण्डारी रहल बटै ।
माघ ५ गते जिल्ला प्रहरी कार्यालयसे खटल सादा पोषाकके प्रहरी टोली कैलाली धनगढी उपमहानगरपालिका २ ट्राफिक चोकमे दोर्ण बहादुरसे संचालन करल ग्लोबल मोबाईल ग्यालरीके भिटरके कोठामे लागु औषध खैरो हिरोईन कारोबार करटी रहल बा कना सूचनाके आधारमे उ मोबाईल ग्यालरीके भिटर कोठामे जाके चेकजांच करेबेर बिष्ट ओ भण्डारीके थेनसे १ ग्राम ५५० मिलिग्राम खैरो हिरोईन फेला पारल जिल्ला प्रहरी कार्यालय कैलालीके प्रवक्ता वेदप्रकाश जोशी बटैलै ।
फरार थुनुवा पक्राउ
ठगी मुद्दामे फरार रहल जिल्ला बैतडी पाटन नगरपालिका ८ बैठना बर्ष २८ के केशव सिंह भाटहे पक्राउ परल बटै ।
अगहन ६ गते पेट बठैना सम्बन्धी बिरामीहुके उपचारके लाग धनगढीके निसर्ग अस्पताल धनगढीमे उपचार हुईबेर उ थुनुवा अस्पतालके शौचालय जैम कहिके फरार हुइल रहिट ।
खोज तलासके क्रममे प्रहरी टोली कञ्चनपुर जिल्लाके वडा एरियासे माघ ५ गते नियन्त्रणमे लेहल जिल्ला प्रहरी कार्यालय कैलाली जनैले बा ।
