मास्क अभियानहे प्रभावकारी बनैटी
पहुरा समाचारदाता
धनगढी, ९ माघ । कैलालीमे कोरोना संक्रमितके संख्या बह्रटी गैलपाछे जिल्ला प्रशासन कार्यालय कैलालीसे रोकथाम तथा न्यूनीकरण कैना मास्क अभियानहे प्रभावकारी बनैना सक्रिय हुइल बा ।
मास्क अभियानहे प्रभावकारी बनाइक लाग अँट्वारके कैलालीके प्रमुख जिल्ला अधिकारी किरण थापाके नेतृत्वमे कैलालीके प्रहरी उपरीक्षक विश्व अधिकारी सहितके टोली धनगढी बजारमे मास्क वितरण करल हो ।
प्रमुख जिल्ला अधिकार थापा ओ एसपी अधिकारीसहितसे बजारमे मास्क नैलगाइलहे मास्क लगैना आग्रह करल रहिट । कोभिड–१९ के जोखिम बह्रटी गैल ओरसे सक्कु जाने अनिवार्य मास्क लगाइ सहितके व्यानर बोकके सिडिओ ओ एसपीके टोली मास्क अभियानहे प्रभावकारी बनैना फेनसे सक्रिय हुइल हुइट ।
संक्रमण बह्रटी गैलेसे फेन सर्वसाधारणमे मास्क नैलगैना प्रवृत्ति डेखलपाछे स्थानीय प्रशासन कडाइ कैना हुइल बा । कैलाली जिल्लामे फेन कोरोना संक्रमण दैनिक बह्रटी रहल बा ।
