भर्चुअल वा क्रिप्टोकरेन्सी कारोबार करल पाइलमे कारबाही हुइः राष्ट्र बैंक
काठमाडौं, ९ माघ । नेपाल राष्ट्र बैंक भर्चुअल तथा क्रिप्टोकरेन्सीसम्बन्धी कोइ कारोबार करल पैलेसे कारबाही करना जनैले बा । छोट अवधिमे उच्च प्रतिफल डेना प्रलोभन देखाके भर्चुअल तथा क्रिप्टोकरेन्सीके कारोबार ओ उहिनसँग सम्बन्धित हाइपर फन्डजैसिन कोषमे लगानी करना ओ करैना प्रोत्साहन करना करैना सूचना पाइल बैंक जनैले बा ।
एक विज्ञप्ति जारी करटि राष्ट्र बैंक जोसियल क्राउड १, सोलेम्याक्स ग्लोबलजैसिन पिरामिडमे आधारित नेटवर्क मार्केटिङमे आवद्ध हुइना वा करैना कार्य फेन गैरकानुनी रहल जनैले बा । ओस्टेक कारोबार करल पाइलमे कारबाही हुइना राष्ट्र बैंक चेतावनी डेले बा ।
जारी विज्ञप्तिमे कहल बा, ‘नेपालमे विदेशी विनिमय वा मुद्राके रुपमे भर्चुअल करेन्सी वा क्रिप्टोकरेन्सीसे कानुनी मान्यता नैपाइल सन्दर्भमे उपर्युक्त बमोजिमके गैरकानुनी वित्तीय औजारमे आवद्ध होके कारोबार करलेसे सर्वसाधारण ठगना, अवैधानिक तरिकासे रकम बाहेर स्वदेशी पुँजी पलायन हुइना हुइल ओरसे ओइसिन कारोबार तथा व्यवसायमे संलग्न होके नेपालभित्तर बसोबास करना नेपाली तथा विदेशी नागरिक ओ विदेशमे बैठना नेपाली नागरिक समेत ओइसिन कार्य करलेसे, कराइल पाइलमे प्रचलित कानुनबमोजिम कारबाही हुइ ।’
